يبقا انت اكيد فى مصر

لكى الله ياغزه

2010-01-19T20:22:00.005+02:00

سيول غزة: جرحى وخسائر وغمر عشرات المنازل غزة - فتحي صبّاح أعلنت مصادر في مدينة غزة جرح تسعة أشخاص ونفوق مئات من رؤوس الماشية وغمر عشرات المنازل في القطاع وتضرر أراضٍ زراعية، نتيجة السيول الجارفة التي اجتاحت منطقتي وادي غزة والمغراقة جنوب المدينة. وقال شهود ومصادر طبية محلية إن مياه السيول جرفت التسعة الذين اختلفت درجات إصاباتهم بعدما غمرت السيول مجرى وادي غزة، وتم نقلهم إلى مستشفى الشفاء في مدينة غزة، ومستشفى شهداء الأقصى في دير البلح. وحملت الحكومة المُقالة التي تديرها حركة «حماس» سلطات الاحتلال الإسرائيلي مسؤولية السيول التي قالت إن فتح الدولة العبرية سداً مقاماً على وادي غزة أدى إلى تفاقمها وإغراق أجزاء من وسط القطاع على جانبي الوادي. واندفعت المياه بسرعة فائقة في مجرى الوادي، البالغ طوله في القطاع نحو سبعة كيلومترات، ما أدى إلى رفع منسوب المياه الى أكثر من مترين، وإغراق قريتي جحر الديك والمغراقة. وغمرت المياه نحو 70 منزلاً، معظمها منازل بدائية وبيوت من الشعر يقيم فيها البدو مع ماشيتهم، تنتشر في مجرى الوادي وعلى ضفتيه. ويبلغ طول الوادي نحو 80 كيلومتراً ويبدأ من وسط جبال الخليل جنوب الضفة الغربية، ثم يتجه جنوباً الى مدينة بئر السبع عاصمة صحراء النقب، قبل أن يغير اتجاهه إلى قطاع غزة غرباً ليصب في البحر المتوسط. وتوقف جريان المياه في الوادي الجاف منذ نحو 20 عاماً، بعدما أقامت اسرائيل سداً عليه على حدود القطاع، فضلاً عن مصدات أخرى تعمل على حقن مياه الأمطار في الخزان الجوفي في صحراء النقب ومنعها من الوصول إلى القطاع. ووصف الأمين العام للحكومة المقالة الدكتور محمد عوض ما حدث بأنه «جريمة جديدة ترتكبها قوات الاحتلال في حق المواطنين في غزة». وأكد في بيان أن الحكومة ستقدم مساعدة عاجلة للأسر المتضررة في المناطق المتضررة، وأنها «باشرت في حصر الأضرار وستقدم تعويضات للمواطنين عن الخسائر التي تكبدوها من السيول»، كما «فتحت مدرسة كفر ياسيف لأكثر من 100 أسرة مشردة». وذكرت مديرية الدفاع المدني والطواقم الطبية التابعة للخدمات الطبية العسكرية في الحكومة المقالة أنها أنقذت سبعة غرقى من فيضان وادي غزة. وأشار الناطق باسم الخدمات الطبية العسكرية أدهم أبو سلمية إلى أن «نحو مئة عائلة غرقت منازلها جراء هذا العدوان الإسرائيلي». ووصف ما جرى بأنه «جرائم تضاف إلى أعمال الاحتلال الإرهابية المتواصلة ضد شعبنا الفلسطيني»، داعياً «الدول المعنية بإحلال السلام في المنطقة إلى ممارسة ضغط حقيقي على الاحتلال الإسرائيلي لوقف سياساته العدوانية والتراجع عن أعماله الإجرامية العابثة بحياة المواطنين الفلسطينيين». وأعلن وزير الأشغال العامة والإسكان في الحكومة المقالة يوسف المنسي حال الطوارئ في صفوف العاملين في الوزارة. واستنكر «إقدام سلطات الاحتلال على فتح سد وادي غزة، ما تسبب في غرق عشرات المنازل الفلسطينية بمياه الأمطار، خصوصاً في منطقة جحر الديك شمال شرقي مخيم البريج وسط غزة بسبب تدفق كميات كبيرة من المياه على منازل مئات المواطنين». وقال للصحافيين أثناء تفقده المنطقة المنكوبة إن «هذه الجريمة الجديدة تضاف إلى سلسلة الجرائم الإسرائيلية التي يرتكبها الاحتلال في حق شعبنا، خصوصاً أن قوات الاحتلال تمنع منذ ثلاثة أعوام إدخال مواد البناء والمعدات اللازمة للحيلولة دون حدوث كوارث جراء الفيضانات». وحذر وزير الزراعة محمد الآغا من «كارثة إنسانية يتعرض لها سكان غزة، لا سيما المناطق التي غمرتها المياه في المحافظة الوسطى جراء فتح الاحتلال سدود وادي غزة». وأكد أن «الاحتلال لم يعطِ أي أشارات تحذيرية لفتح السد المغلق»

البلد فيها كام 500 مليون؟

2009-12-08T15:45:00.011+02:00

كنت قد عقدت النيه بالابتعاد عن اى اخبار مزعجه..انما كالعاده انا مصدر لكل ماهو مزعج..لذا تأتى الاخبار الى مكانى بالجاذبيه..كنت ابحث فى جوجل عن قصه بعنوان فيرونيكا قررت الموت وبدلا من ان تاتينى فيرونيكا اتتنى دون معرفة كيفية حدوث ذلك لينك موقع احدى الجرائد..لم ارى ضررا فى تصفح الاخبار وليتنى مافعلت هناك خبر يقول انه سيتم هدم مستشفى خيرى تمت البدء فى انشاؤه فى عام 1999 وانتهوا من تشطيبه عام 2006

المستشفى تكلف 500مليون جنيه

500مليون

جنيه

وسبب هدمه لان حى مدينة نصر قرر فجأه هدمه...؟

فكرونى بالمحافظ السابق لمدينتنا سوهاج..كان كل كام يوم نلاقيه بيبنى نافوره ويادوب اسبوع نلاقيه هدها عشان يعمل مكانها جنينه وبعدين كمان اسبوع ويهدها ويرجع يبنى نافوره..كل ده بفلوس اللى خلفونا..ولا يعنى جابوه من بيت ابوهم..!!!!

المهم ان المستشفى دى كانت هتخدم 2000مريض شهريا من محدودى الدخل..طيب عروستى ؟على رأى ماما ساميه شرابى..ممكن حد يوضحلى؟

ايه يعنى مستشفى بالرقم القياسى ده تتهد ف يوم؟

الجمعيه الشرعيه الطبيه اتفاجأت بالقرار ده وتركت الامر للقضاء العادل اوى جدا عشان يقول كلمته..واكدت ان المستشفى تم بناؤها وفقا لكل اشتراطات البناء..يعنى مفيهاش عيب

هنقول مثلا يمكن عشان الارض مثلا كان عليها خلاف واكتشفوا انها مش ملك المستشفى طيب ما يسوو الخلاف ويسيبوا المستشفى..هنقول لقينا اصحاب المستشفى حراميه..خلاص سيبوا المستشفى وخدوا الملاك..واهو خساره الفلوس وتخدموا بيها الناس..حولوها لمستشفى حكومى..اتصرفوا..ولا مش بتشوفوا مرمطة الغلابه فى مستشفيات اليوم الواحد والتأمين الصحى؟والله انا هموت واعرف هى الحكومه دى مش عايشه ف مصر؟

يعنى يمكن هما عايشين ف ساحل العاج وبيتابعوا شئون الناس من هناك.!!.طيب ممكن لو سمحتوا تخلوا عندكم دم وتيجوا تشوفوا الناس اللى اتبهدلت ف المستشفيات وف الشوارع..شوفوا اللى بيسرق كلاويهم وكبدهم وطحالهم لو لقى عندهم طحال اصلا وهما اساسا داخلين يشيلوا اللوز..

ياربى الرحمه

هو يعنى البلد فيها كام500 مليون بيطولها الغلابه

اللهم لااعتراض على حكمك..

ياعينى علينا..محدش يعرف العيد فين؟

2009-11-29T22:00:00.009+02:00

اضغط هنا لمشاهدة مقطع الفيديو

كل عيد وكلنا طيبين كل عيد وكلنا مسلمين الايام اللى فاتت مكنتش بعيد زى كل الناس لكن كنت بتفرج على عجائب الزمن..على الشعب المصرى الذى لايعرف كيف يفرح..شعب طيب جدا وذلك سبب انه اكثر الشعوب استهانة بكرامته..طبعا الطيبه ف هذا الزمن عيبه.,.لن اعود مجددا لموضوع ماجرى ف السودان..اخاف ان يكون هناك تواطؤ من اى نوع بين حكومتنا وبين ماجرى..ولكن لكى لا اظلم احد قررت ان اترك الموضوع لغيرى يبحث فيه .. ما ابحث عنه الان حق المواطن المصرى المهدور فى بلده حد شاف سعر كيلو اللحمه ف العيد وصل كام؟ 42 جنيه..يعنى لو فى ارمله بتقبض معاش السادات اللى هو فى الغالب حوالى 45 جنيه فلا اعتقد انها تقدر تشترى كيلو لحمه بالمعاش ,طيب تاكل لحد اخر الشهر منين؟وتجيب حق العيش منين؟ مفكرش ليه الريس يزود معاشها..او حتى يتبرعلها بكيلو لحمه تعيد بيه مع ولادها..؟ايه هو الريس مش لاقى؟اومال فلوس الضرايب فين؟ده حتى الايام دى بيفكر يفرض كمان ضريبه عقاريه..مش لاقيين حاجه يمصوا بيها دم الغلابه..بصيت يوم الوقفه من شباك اوضتى لقيت عمال النظافه بيكنسوا الشارع..تخيل يمشوا كيلو على رجليهم يكنسوا ويلموا زبالتنا بكام ف الشهر؟ 150 جنيه..مايطلعلهم ريسنا حتى مكافأة عيد ولا عيديه 50 جنيه مش معاه 50 جنيه لكل زبال؟ ايه اومال فلوسنا بتاعة الاسعار الزايده ف كل حاجه..وفلوس الغاز الطبيعى وكل الخدمات اللى ف مصر بتروح فين؟اموت واعرف ازاى يكون على مصر ديون وتاخد اعانات من الدول وهى عندها خدمات بتدخل ملايين وملايين؟ حق الغلابه فين ياريس العيد فين؟ مابتنزلش اسواق وتشوف الستات بتبيع ف كام ربطة فجل وجرجير عشان تلاقى 5 جنيه اخر النهار تأكل بيهم ولادها؟ مابتنزلش شوارع وتشوف عيال بتتنطط ف اشارات المرور وبتهدر كرامتها وآدميتها واوقات كتير شرفها عشان لقمة عيش متغمسه بالعار ايه ياريس مش شايف فى كام عاطل ف البلد وبلدنا ماليانه شغل ..بس لولاد الاكابر والوسايط بس؟ مش شايف الناس جاعت والشرف بيتهدر عشان لقمة العيش مش شايف الناس بتتعذب ف طوابير العيش والمواصلات والمعاشات هييجى العيد ازاى طيب واحنا مش عارفين له طريق؟ العيد ياريس لسه ما جاش عملتوا هوجه عشان ماتش اتلعب..وقلتوا كتير لا نسمح باهدار كرامة المصريين فين اللى اتعمل؟ فين رد الفعل ف حكومة مصر؟ خلاص ياشعب متدوروش على عيد العيد ف مصر مش هييجى ولو حد عرف له طريق يقوللى عشان معايا ناس غلابه كتير نفسها تعرف يعنى ايه عيد

نعم للتعصب ضد الجزائر..اللى مش عاجبه يروح

2009-11-20T13:36:00.007+02:00

من كام يوم كتبت بوست بندم على كل حرف فيه لما قلت اننا لازم نبقا اكثر رقى وتحضر..النهارده ومن مكانى ده بقولها بكل حقد وكراهيه ورغبه ف الانتقام ان اى جزائرى هلمحه هقطعه ويكونلى الشرف..دول شوية همج وبلطجيه وكلاب فرنسيه مهجنه..

السلطات الجزائريه فتحت سجونها وارسلت كل مجرميها فى طائرات حربيه الى السودان قبل المباراه بيومين وقسمت مجرميها الى مجموعات بعضها عسكر فى مطار الخرطوم واخرون فى شوارع السودان والبعض الاخر نام على الارصفه امام استاد المريخ بالسودان وحينما اتى مشجعوا المصريين محملين بالاعلام والحب فوجئوا بمجرمى الجزائر محملين بسكاكين وسواطير وسيوف وخناجر وكان دخول الاستاد عسيرا على المشجعين المصريين الذين دخول بشق الانفس من اجساد الجزائريين الممسكين بالاسلحه البيضاء..واثناء الماتش كان التهديد مستمر للمشجعين المصريين بالموت ان فازوا..وراينا ماحدث فى الماتش من ضرب للحضرى والمحمدى واحمد حسن وعمرو ذكى والشجار الذى افتعلوه مع احمد حسن وحاول وائل جمعه تهدئته..وكم الانذارات الى انهال عليهم دون ان يتم طرد احدهم مع العلم ان لعب منتخب مصر استمر نظيفا لاخر لحظه واستمرت قلوب المشجعيين ايضا نظيفه وصفقوا للشعب والمنتخب الجزائرى لفوزه الا ان الخروج من جدران استاد المريخ كان عسيرا

ولم تستطع قوات الامن السودانى حماية الباصات براكبيها من هجوم البربر الهمج الذين دمروا الباصات وقاموا بخلع احجار الارصفه ف الشوارع للاقائها على الركاب المصريين..كان تدمير شامل لكل شىء مصرى

وانتهى سيناريو العنف بعودة المصريين غارقين فى دمائهم..منهم من اصيب ذراعه او من اصابتهم شظايا الزجاج المحطم

ومازال هناك اكثر من 10 الاف مصرى محتجزين بالجزائرفى مقر عملهم بالشركات المصريه هناك والتى تحطم اغلبها نتيجة الثوره الجزائريه ضدنا..والتى لايوجد مبرر لها..

السلطات الجزائريه لم تعلق على اى شىء حتى الان والسفير الجزائرى فى مصر تعلل بمرضه وان الاجواء على مايرام فى حين انه اخبر الجرائد المحليه بالجزائر ان حادثة الاتوبيس التى حدثت الاسبوع الماضى دبرها المصريين ويعلم الله اننا بريئون منها

هل لنا من وقفه احتجاجيه؟

نحن لا نريد اعتذارا من الرئيس بوتفليقه كما يدعهى البعض..نريد مقاطعه تامه..وانهاء الروابط بيننا وعودة المصريين المحتجزين رغما عنهم هناك سالمين..وعودة المصريين المعسكرين فى مطار وهران بالجزائر على قيد الحياه وليسوا فى توابيت كما هدد البعض..

نريدهم احياء

نريد اشقائنا المصريين احياء

تحرك يا ريس واعدهم لنا

انهى كل مابيننا وبينهم

حرم مصر عليهم وامنعهم من دخولها ثانية

مزقوا اى جواز سفر جزائرى

بل مزقوا اى جزائرى يتطاول على مصر

ولن ننسى ماجرى ابدا

نحن لانريد اعادة المباراه..فنحن نريد منتخبنا سالما

نحن نريد ردا حاسما لما جرى فى امس الاول

واطالب بكل مدون ان يرفع راية الاحتجاج

ده ان كان فعلا فاكر نفسه مصرى

لازم نفتكر اللى عملوه ف المصريين ف السودان بعد المباراه ونتخيل شكل الناس وهى بتهرب وبيطاردوها ف الشوارع

وفناننينا المحترمين وهما بيستخبوا فى وكالة طارق نورللاعلان ف الضلمه عشان خايفين..

اخص على كده

اخص على الجزائر الف مليون اخص

ومش هننسى ولا هنغفر

مش ناسيين مش ناسيين

هناخد تارنا يا جزائريين

بكره تشوفه بكره نقول

ياجزائر هتموت على طول

ياجزائرى يا خسيس وجبان

مين سماك ابدا انسان

ملحوظه على جمب

فى البوست اللى فات فوجئت بجزائريه علقت عندى باسم جزائريه وافتخر

اتهمتنا باننا بدأنا بتلك الحرب

انا بقولها اهو بعلو صوتى

انتى بتتكلمى عن الرقى اللى المفروض نتحلى بيه

روحى علمى الهمج اللى كانوا ف استاد المريخ بيشجعوا علميهم الرقى وتعالى كلمينى

روحى اتفرجى على علمنا اللى حرقتوه ودوستوا عليه بعربياتكم مرات ومرات وتعالى حاسبينى

روحى هاتى تليفزيون وشوفى دماء المصريين اللى نزفت ف السودان وتعالى قولى رقى

يابتوع الرقى

واللى مش عاجبه كلامى من المدونين ولا الجزائريين ولا المصريين

معلش مايعلقش عندى بدل ما نخسر بعض

اللهم بلغت اللهم فاشهد

فرحة الأولى من نوعها

2009-11-18T18:38:00.007+02:00

اول مره احس الاحساس ده..فرحه كبيره اوى اوى وشعور مش ممكن اوصفه لحد..اول مره احس انى بحب مصر اوى رغم كل عيوبها ورغم كل اللى فيها من اخطاء..وانا برسم العلم على وشوش الاطفال الصغيرين ولما كل ولاد ابتدائى واعدادى نزلوا جرى عشان ارسملهم هما كمان وكل واحد منهم بيصرخ دوم دوم دو م دوم مصر..واما المدرسين يمسكوا طبلة طابور الصباح ويلفوا الحوش كله وهما بيصرخوا بعلو حسهم مصر..واما اطفال فصولى يجروا عليا ويقولولى يا ميس ارسميلنا علم مصر عشان هنفوز النهارده ..لازم لازم وقتها اقول بعلو حسى انا كمان بحببببببببببببببببببببك يا مصر..بحبك اوى..بنتظلم فيكى بس مش منك..بنتجرح فيكى ولا حد يجرحك..نموت عشانك وتفضلى دايما عاليه وغاليه

وبحبك يابو تريكه وبحبك يا متعب ..بحبك يا حضرى وبحبك يا عمرو زكى..بحبك يا شيكابالاوبحبك يا احمد حسن ..بحبك يا زيدان وياوائل جمعه..بحبك يا شادى ويا محمد بركات وبحبك يا حمص وبحبك يا كابتن شحاته..بحب الاهلى وبحب الزمالك..وبحب اشوفك يا مصر دايما علمك مرفوع..ويارب حلم التمانين مليون مصرى يتحقق عشان مانتهزمش قدام شوية همج غلطت لما كتبت ف البوست اللى قبل اللى فات اننا غلطنا لما اهناهم..

انا بعتذر بجد..اللى زى دول مالهمش الا كده.

النهارده اعتدوا بالضرب على بعثة صباح الخير يا مصر ف مطار السودان وكسروا دراع واحد منهم لمجرد انه لابس تى شيرت منتخب مصر..واى مصرى بيضربوه ومعسكرين ف المطار هناك..م الاخر الناس دى عايزه ضرب......

وانسوا خالص التاريخ اللى بيننا ماخلاص هما نسيوه..

مصر رغم كل شىء انا بنتك

وبعتذرلك لو يوم كرهتك

بحبك

اه والله العظيم بحبك

اجاوب وامرى لله

2009-11-15T23:09:00.006+02:00

الله يسامحك يا مروه..دبستنى ف التاج ده يا جماعه.. من أنت؟...

واحده من الناس..بس متهيألى بينادونى نور

وما الذى تفعله هنا؟

بستعبط واجاوب

-إسرائيل تقصف كل جنوب ممكن بحثا عنك ، أى شمال تقصد؟....

هروح تحت البطانيه واناااااااااااااام..اصلى كنت من زمان بعتقد انى ممكن استخبى من اى حد تحت البطانيه..تقولشى بطانية الاخفا

-أنت مكلف بحذف حرف من حروف اللغة العربية .. أيها ستختار ولماذا ؟.

هختار الهمزه..عشان حرف كده مالوش لازمه..ايه يعنى شويه يقف على راس الالف وشويه يسيح كده ف السطور..عجايب والله

-لو قدر لك أن تدخل السجن فما هي القضية التي تتمنى ان تدخل بها إليه؟.

هقتل مديرتى وكل اللى مساعدينها انها ترفع اسمى من كشف الحوافزبغير وجه حق..وبقولها من مكانى ده هتموتى..(بعد الشر عنها يعنى)دى صاحبة عيال برد

-نحن لا نعيش حياتنا بل نتعلم فيها كيف نعيش ما تعليقك؟.

ف كل الحالات يا عثل مش عايشينها وكل عيش وروح قول الكلام ده بعيد عنى

-على مفترق طريق لافتتان ، اليمنى تقول ( إلى حلمك ) واليسرى تقول : (إلى مالم يحلم به البشر ) ، أي الطرق ستسلك؟ .

هتصل بصديق

-بجملة واحدة فقط أكتب تعريفاً لكل كلمة من الكلمات التاليه:

-الوطن: اوضتى

-الأم:

هى احلى حاجه وكل حاجه ف دنيتى طبعا.

-الليل:

بحبه عشان بعرف اناااااااااااااااام ..

-الحب:

كام سطر بكتبهم على الورق وانا على يقين انهم مش اكتر من كلام على ورق لكنه ورق اتخلق فيه عمرى.

-أمريكا:

انتيكه زجاجيه تغرينا بشراؤها لتفاجئنا بانها انتيكه رخيصه..

-المرأة………:

قطعة شكولاته تستحق من يذيبها بدفء حنانه فى زمن قد غلبه الجليد..

وممكن تكون اغنيه لفيروز..

-الرجل:

مجرد بطل فى روايه لم اقرأها بعد.

-الصمت:

لغتى بعدما سرقت منى حروف كلماتى .

-الانترنت :

وسيلتى لسماع مايقوله البشر بدون ضوضاء.

-أخترمنصباً واتخذ قرارا؟ .

رئيسة جمهوريه:

اول قرار ان يرفع معاش الاسر الفقيره ..معاش السادات من اربعين وخمسين جنيه الى مائتا جنيه على الاقل..وده كله من فلوس الضرايب اللى مطفاحيننا فيها الكوته..او من الجنيه اللى على فواتير الكهربا وقال ايه رسم زباله..طيب يجيبولى الزباله وانا ارسمها مش انا مدرسة رسم؟.

عجايب فعلا.

-قيس، عنترة، جميل…. الذين يقولون شعرا….. وليلى وعبلة وعزة”صموت”لماذا هذا التغييب للمرأه..؟

لان ماخفى كان اعظم .

-األى أين تمضي كلمات الحب .. بعد أن نقولها?

بتروح تجيب اومو..

- هل تجد علاقة بشكل أو بآخر بين المرأة وقطاع الطرق ؟

هى لها نفس جمودهم حنما تريد ان تكون قاسيه ولها قلب ميت عند اللزوم .

-هذا فراق بيني وبينك .. متى ولمن تقولها ؟

اذا جرح احدهم كرامتى او بخسنى حقى وقيمتى.

-كيف هو غداً ؟.

مرهون بأمر الله..

-بتمرر التاج لمين؟.

فكرت كتير وقررت ..

ابعته لهبه عماره صاحبة مدونة هبه والحياه.

ولبنبونه صاحبة مدونة شوية ورق.

وهانى مهران صاحب مدونة بحب الحكومه.

ولاستاذى عمرو رغم انى عارفه انه مشغول وجايز مياخدش باله اصلا.

ولمحمد ف مدونة جايز وممكن.

واسماءاو ايزولد صاحبة مدونة كرنفال.

ويارب يعرفوا يجاوبوا..

هههههههههههههه

بلدنا مابين فتنه طائفيه وفتنة ملاعب..عظيمه يا مصر

2009-11-13T18:06:00.003+02:00

قرأت مصادفة فى احد الجرائد المصريه خبر الشاب المسيحى الذى امسكوا به ف احدى الشقق سيئة السمعه مع فتاة مسلمة فى مدينة ملوى بالمنيا وقام الاهالى بطعنه ورغم هروبه الا انه لقى مصرعه فى الشارع امام اعين الكثيرون..للوهلة الاولى يبدو الامر وكانه فضيحة كبرى ولو اخذنا الامر كما قرأته لثرت على المسيحيه وعلى من يعتنقوها..ولخرجت فى مظاهرة تدعو الى الاخذ بالثأر ولتجاهلت ما نحن فيه من امور جسام من وباء يطرق الابواب واطفال مهددون بالمرض..لكننى اردت ان اخالف المعتاد للحظه..ووقفت افكر..اولا كيف علم الناس بديانة الفتاه وهى مازالت داخل الشقه..؟ربما بلغ عنها احد يعرفها..اذن فهل يعرف الذى يعرفها الشاب ايضا؟وترى هل لو كان مسلم كانوا سيتظاهرون ويقيمون فتنة طائفيه كما فعلوا؟والشقه التى يعرفون جيدا انها سيئة السمعه لما لم يبلغوا عنها قبل تلك الحادثه؟ام انتظروا حتى تحدث تلك الكارثه التى ارى انها مدبره من قبل احد يكره الاسلام او يبغض المسيحيه..واراد ان يفتن بيننا وبين هؤلاء الذين يعيشون بيننا دون ان نرى منهم مانكره..

يقولون ان المسيحيين اعدائنا..لما يقولون هذا وانا اذكر جيدا ان اول من طرقت بابهالتذهب معى الى الطبيب حينما كانت اختى مريضه وشقيقاتى كل واحدة منهن فى بلد كانت تلك هى جارتى المسيحيه..واذكر ان من حمل عنى اكوام الكتب التى جئت بها وحدى تؤلمنى يدى من حملها بعد ان القانى سائق التكسى بعيدا عن بيتى بامتار فجاء جارنا المسيحى الذى يصغرنى بخمسة اعوام ليحمل عنى الكتب حتى باب منزلنا..واذكر ان من جاؤا معنا لدفن ابى كانوا جيراننا الاقباط..الا نحفظ قول الله"لكم دينكم ولى دينى"؟؟؟

مابالنا لانحاول ان تخرج الوساوس من عقولنا..نحن شعب تربى مع اليهود فى حارة اليهود وكثيرون من سكان هذه الحاره كانوا يهود مسالمين لا يعرفون عن امور الحرب والعداوة شيئا..وكثيرون من فنانيننا اقباط ولاعداوة بيننا وبينهم..لما حينما نتكلم نقول نحن وهم.؟؟.لما انقسمنا؟

تلك الفضيحه التى قرأت عنها من الاعلام السىء الذى يستغل تلك الاخبار فى توسيع الفجوه بيننا وبينهم ممن يحملون نفس الجنسيه..الاعلام الذى يستغل الاخبار العاديه فى صنع دعايه لرفع اعداد التوزيع هى بقعة اخرى سوداء وليست نقطه فى حق مصر..

حينما سألت جارنا يوما عن سبب احجامه عن الهجره رغم انه قبطى وكما اعرف فالاقباط يعاملون بصورة مغايره بالخارج عن المسلمين..قال لى :انا عربى ومصرى ولا ابالى بديانتى ولن اترك بلدى لاذوق الم الغربه فى بلد بالكاد يعترف بديانتى..انا هنا مسيحى مصرى حر..وهناك انا عربى مسيحى مقيد بنظرتهم لنا كعرب..وفى النهايه فكل ما يربطنا جميعا..اننا عرب..مصريين..فهل نحن نذكر ذلك؟

ما اراه ايضا من تخلف وجهل فى مباراة الجزائر هو مثال اخر سىء فى مصر..الجميع يترقب نتائج تلك المباراه ولكن تختلف الافعال..احرق البعض علم الجزائر امام اعين لاعبى منتخب الجزائر..وترى الكثير من المواقع السيئه على النت تنشر كليبات سيئه جدا عن الجزائر..وتركيب صور سيئه جدا للاعبى منتخب الجزائر وصنع عناوين قذره شوهت كل مايمت للجزائر بصله..وما اشيع عن حرق لاعبى الجزائر للعلم المصرى..وتناسى المصريين ان هؤلاء ضيوف على ارضنا..جميل ان ندعو الله بفوزنا والاجمل هو تقبل الهزيمه بصدر رحب..

مانشره ايضا اعضاء كثيرون على الفيس بوك من جروبات تدعو للتعصب ضد شعب الجزائر..واعتبرت صراعنا معهم ودعائنا عليهم وصب لعناتنا على رؤسهم بمثابة الجهاد فى سبيل الله..مئات علامات الاستفاهام احاطت بى وانا اقرأ ما يدعون اليه ولا املك الا ان اقول ..لا حول ولا قوة الا بالله..انا اكيد ف مصر

مباراة كرة قدم استطاعت زرع الكراهيه بيننا وبين شعب ناضل مثلنا ومعنا ضد الاحتلال..صار اليوم هو عدونا الاول نحارب من اجل اسقاطه..وتشويه صورته امام الاعلام..والحقيقى هو تشويه صورتنا كشعب كريم مضياف.

كم اود يوما لو استطعت كتابة تدوينه تحوى شيئا رائعا عن مصر استطيع على سطورها ان اقول بفخر انا اكيد ف مصر..انما بعد كل ما سردته الان...اقول بكل اسى..ليه انا اكيد ف مصر؟ياريتنى ماكنت ف مصر

انا و القاهره وهواك

2009-11-06T12:07:00.009+02:00

هذه التدوينه قد لا تروق لى بعد كتابتها انما انا قررت كتابتها رغم اعتراضى الشخصى على الفضفضه هنا منذ ايام كنت قد سافرت الى القاهره وهناك عشت رغم زحام القاهره الخانق اجمل ثلاثة ايام فى عمرى..هناك التقيت بصديقتى التى تعرفت عليها فى مدونة مرارة روح التقيت بهبه عماره صاحبة مدونة هبه والحياه ورغم ان ما امضيناه معا كان بضعة ساعات الا انها تحتسب من عمرى اول ما لفت نظرى فى رحلتى تلك هو القطار درجه اولى مكيف الذى سافرت به ..قطار رغم اناقته بالنسبه لباقى القطاراتوالموكيت المفروش فى ارضيته ومقاعده المريحه الا ان الحلو مايكملش..كان الجو حارا فى سفرنا الذى اتى فى الظهيره..الا ان التكييف لم يعمل فى السبعة ساعات سفر الا ساعتين على اقصى تقدير..وباقى الوقت رغم تذمر الكثيرين وشكوى المسافرين الا ان الرد الذى قدمه لنا الكمسرى هو ان التكييف عطلان..فحمدت ربى على باقى المميزات ولم اتذمر على عطلان التكييف والنوافذ المسدوده والهواء الذى يتنفسه العشرات فى مقطوره واحده..وصلت هناك لافاجىء بالزحام الذى حاول المقيمين هناك وصفه لى فلم اتفهمه الا بعد رؤيته..لكن رغم الزحام ورغم الفقر البادى فى وسائل النقل الا ان الوجوه يبدو عليها الاستسلام التام..ساقتنى خطواتى منذ وصولى الى اماكن شتى رمسيس والفجاله والوكاله والعتبه ووسط البلد شوارع راقيه واخرى يطحنها الفقر..اناس يقتلهم الزحام فى اتوبيسات النقل واخرون يتنقلون بسيارات فارهه وتاكسيات..بشر يبتسمون رغم فقرهم واخرون لا تعرف الابتسامه طريقها الى وجوههم رغم ثرائهم..نعم فى بلدتى الصغيره هناك فقير وغنى..لكن ذلك التباين التام فى طبقات البشر لا يظهر بوضوح فى بلدتى الصغيره..تسائلت للحظه كل هؤلاء ..بعددهم الكبير وكأن الثمانون مليون قد تجمعوا فى القاهره فقط كيف هم صامتون..بامكانهم تغيير كوكب بحاله وليس دولة فقط فما الذى يسكتهم.. الخوف؟ نعم..هو ما يسكتهم..هناك كل البشر يحبون السير بجوار الحائط.. الناس هناك منغلقين على انفسهم وكل واحد منهم فى حاله..لايحبون التحدث مع الغرباء امثالنا..انما ابناء بلدى يحبون الحديث مع اى فرد حتى لو فى الباصات والقطارات..اجتماعيون جدا..القاهره رغم زحامها الا انها اخذت جزء من قلبى معها..حينما كنت اسير مع هبه فى شوارع وسط البلد ونحن ناكل الايس كريم الذى نحبه لم نعرف كيف سرنا حتى الفجاله..كنا نسير يأخذنا الحديث فى متاهاته..،واصطدم بنا اثناء سيرنا كثيرون من الباعه الجائلين وهم يحملون بضاعتهم محاولين الاختباء من البلديه نظرت لهبه اسألها فى صمت عن سبب جريهم هكذا فقالت لى دون ان تسمع سؤالى:دى البلديه ودول بياعين متجوليه ولو مسكتهم البلديه هتاخد بضاعتهم..اصابنى المشهد فى الصميم..لم اعرف اجابه لاى سؤال دار فى ذهنى وقتها مثل لما تطاردهم البلديه فكل ما يشغلونه من الطريق متر ف متر..؟الم تسأل الحكومه نفسها عن سبب عملهم فى بيع البضاءع ف الشارع؟اليست هى السبب فى ذلك؟اوفرت عملا لهم فتركوه ليعملوا فى بيع بضائع تهددها البلديه؟..هل وفرت لهم قوت يومهم..فى امريكا توفر الحكومه مبلغ للشباب الذين لا يعملون مايسمونه بدل بطاله..ونحن هنا تباع كرامتنا على الارصفه..انا حقا صرت اشجه الجهل واشجع الاميه التى تمنحنا عذرا لصمتنا ..والتى تمنحنا سببا لهدر كرامتنا..لان التعليم الذى لا يفيد صاحبه فى حياته اليوميه..قلته احسن.............اخيرا فوجئت بنفسى بعدها امام محطة مصر وعلى وشك ان استقل القطار العائد لبلدتى التى هى اشبه مايكون بشارع واحد من شوارع القاهره..هبه ضحكت من سيرنا هكذا بلا اتجاه وقد عرفت لحظتها مثلى ان القاهره مثل المتاهه تاخنا وقد تضللنا..فى طريق عودتى اخذنا قطار درجه تانيه مكيف ورغم انه قطار لم يتعطل تكييفه طوال طريق العوده رغم بردودة الليل فى طريق العوده وكم دعوت فيها لو تعطل المكيف ..الا انه قطار قد استقلته الحشرات معنا..كانت الصراصير تتسلل من حافة النافذه المكسوره وتحاول الاختباء فى كم صديقتى طلبا للدفىء ..كانت ليله عصيبه لم نذق فيها طعم النوم ولا الراحه وكم ضحكنا كثيرا على مشهد الصراصير التى تطاردنا.. مصر بلد تمكنت من جعلنا نضحك على مآسيها..وذلك مالن تستطيع فعله بلدة اخرى..ورغم كل ما رأيته هناك..فأنا مازلت مغرمه بزحامها ووجوه سكانها المرهقه...مغرمه بواجهات محالها...وشوارعها التى بصمت عجلات الباصات المتهالكه فوق اسفلتها انا مغرمه بك يا مصر رغم عذاباتك

وراء كل حادثه..جااااااااااموسه

2009-10-26T22:08:00.004+02:00

ودائما وابدا الحكومه لها تبرير لاى حادث يحدث ويتسبب فى ضحايا من المصريين اللى نفسهم يتخلصوا منهم..عبارة السلام كان المتسبب اهمال القبطان..وفى انفلونزا الطيور السبب اهمال المصريين فقط وليس اهمال الحكومه..ولو تفشى وباء انفلونزا الخنازير فالسبب مناخير المصريين..وحادث قطار العياط السبب فيه الجاموسه التى صدمها القطار152 القادم من الجيزه الى الفيوم حيث اصطدم بها امام مزلقان قرية العياط مما ادى الى حدوث عطل فى بلف الهواء للقطار وتوقفه على بعد كيلو مترين من القريه وعندها جاء القطار188 القادم من رمسيس الى اسيوط ليصطدم به بقوه من الخلف مما ادى الى تهشم العربيتين الاخيرتين من القطار الاول بشكل تام

كما اسفرت التحقيقات الاوليه عن رعونة سائقى القطارين اللذين تم التحفظ عليهماحيث تبين انهما تناولا المسكرات اثناء القياده

وايضا اهمال عامل التحويله الذى ترك مكانه واستقل القطار 152

والسؤال هنا

هو عامل التحويله ركب القطار وكان رايح فييييييييييييين؟

لقد لقى عامل التحويله مصرعه وماتت معه الاجابه ولا عزاء

السبب جاموسه..وخمر ومزاج ..اسباب مقنعه جدا

اجابات جاهزه..

وتم التحفظ على السائقين المتهمين بالتسبب باهمالهم ف الحادث الذى نتج عنه حوالى 30 قتيل و56 مصاب

والحكومه وجدت شماعه متينه تسند عليها اخطاء منظومتها

بعد ان انكشف غطاء اعلاناتها المزيفه التى اشبعتنا بها مرارا وتكرارا عن صيانة القطارات وعن المقطورات المستورده (ضد الخبط وضد النار)

ضد الحشره ضد الفار

ده بالتقسيط

ارواحنا هى اللى طلعت بالتقسيط

وتقسيط مريح كمان

هقول ايه بس

والله حكومه شاطره

بتعرف تطلع منها دايما زى الشعره م العجين

متقلقيش يا حكومه

احنا هنفضل عاملين مش واخدين بالنا

ده بمزاجنا

عشان احنا شعب مزاجنجى

زى بتوع القطورات

وبجد

اكيد دى مصر

هى دى مصر

حسبنا الله ونعم الوكيل

ف الجاموسه

انفلونزا خنازير تموت اسرع ولا الاشاعات.؟؟؟.بلدى سوهاج..آه منك يابلد

2009-10-08T19:27:00.008+02:00

فجاه وبلا سابق انذار اصبحت مدرستى على كف عفريت وليست مدرستى فقط بل وغيرها من المدارس

اولا مدرستى خاصه ودرجة الاستعداد بها وصلت لدرجة الاستعداد القصوى..كمامات..ديتول يرش على المناضد والمقاعد كل ربع ساعه مع غسل ايدينا نحن المدرسات وايدى التلاميذ كل ربع ساعه بصابونه معقمه..وخفضوا عدد اطفال او طلاب الفصل الواحد الى عشرين طفل واقل حسب مساحة الفصل

ودرجة تهويته

الاشاعه انتشرت بان فصل من فصول مدرسة ابتدائى فى بنى هلال فى مركز المراغه ف سوهاج..انتشر به الوباء وتم غلق المدرسه..الحالات كانت قد توالت على مستشفى سوهاج العام منذ مايقرب من شهر..وتم ايقاف نمو الفيرس بادوية تقوية المناعه لان الفيرس غير قابل للقتل النهائى او القضاء عليه لكن معالجته تكون بإضعاف قوة الفيرس ويتولى الجسم معالجة الباقى ..الحالات تمت معالجتها وايقاف نمو الفيرس ف اجسامهم وترك الاطباء مهمة القضاء على الفيرس على ربنا سبحانه وتعالى اولا وعلى قوة مناعة الجسم ثانيا..حيث ان التامى فلو لا قدرة له على القضاء على الفيرس وانما يقوم بايقاف نموه فقط هذا ما اخبرنى به احد الاطباء والله اعلم فلست طبيبه..ما اثار سخطى التالى:

اولا:

ان المدارس الخاصه اعلنت الاستعداد التام وتحملت مسئولية المحافظه على صحة طلابها وحملتنا معها المسئوليه رغم التحذيرات..ورغم غضبى من ذلك وخوفى من تحمل مسئولية اسندت الى كاهلى تفوق قدرتى على الوفاء بها..لكن ايضا الاستعداد التام الذى اوجد ف المدرسه اراحنى قليلا .

لان كما اخبرونا فالفيرس يبقى على الاسطح نشطا لمدة 12 ساعه ويتم القضاء عليه بالمطهرات والمواد المعقمه مثل ديتول

وهذا ماتقوم به ادارة مدرستى كل ربع ساعه..وملاحظة اى عرض للبرد والذهاب بالمصاب فورا للطبيب ..والوقايه خيرا من العلاج.

الشىء الاول الذى اثار سخطى خارج حدود مدرستى..

هو المدارس الحكوميه التى لم تنفذ حرفا مما وعدت به

وعدت ان يقل عدد التلاميذ او الطلاب ف الفصول ومازال العدد اكبر من 30 لكل فصل

وكل ما فعلوه هو تقسيم المدرسه لصباحى ومسائى لتتحمل العدد الكبير الذى التحق بها

ثانيا

بعض المدارس مازالت لا تعرف شيئا عن النظافه ولا التعقيم ولا تعرف شيئا عن حجرة العزل..خاصة مدارس بعض القرى المجاوره مثل المدرسه التى ظهر بفصل كامل منها حالات الانفلونزا.

فكيف لم يتم ملاحظة الحاله منذ اول ظهور لها وكيف تمت عدوى فصل بالكامل

ناهيك عن الزحام بالمواصلات والمستشفيات والاسواق وعدم الاهتمام باى ارشادات نظافه

وحالة الصمت المعتمه على الموضوع اصابت البعض بالخوف والبعض بالتناحه

ثالثابلدنا بلد الاشاعات

فان لم يمت ساكنيها من الانفلونزا سيموتون من قوة الاشاعات ورهبتها

وتكتم الحكومه على بعض الحالات زاد الامر سؤا

الحكومه تعتقد ان اخفائها الامر سيساعد فى بعث الطمانينه الى قلوب المصريين وعلى العكس فالمصريين قد هولوا الامر حتى اصبح مأساه..فالاشاعات الان طالت كل المدارس وكل المدارس اصبحت موبؤه..والامر المضحك ..ان الشعب المصرى انقسم الى نصفين نصف مصدق للاشاعه ومنتظرا للموت واصبح لديه مثل فوبيا لكل شىء..حريصا على النظافه لدرجة الهوس..ونصف اخر مسلمها لربنا..وعايش عادى..لا يهمه ان مات اليوم او غدا..ولا يهتم بنظافة اى شىء ولا يبالى ان ربى الخنازير او حتى الطيور رغم ما يسمعه من اشاعات عن اوبئه قادمه قد تفتك بعشرين مليون مصرى اى حوالى ربع الشعب المصر..

وبعض المدارس مازال يطبق نظام اليوم الكامل مثل مدرسة اختى الثانويه بنات..مازالت تعمل بنظام يوم كامل فتخرج اختى فى موعد خروج الموظفين لتستقل باصا مزدحما بالموظفين والله العالم اى الامراض ستعود لنا بها من هذا الزحام..وان لم تاتى بها من الزحان ستاتى بها من زحام فصلها

وبعدين

اختى وابناء اخواتى يرتدن مدارس حكوميه

فلما لم يلغى العام الدراسى خاصة مع ظهور تلك الحالات ف المدارس

ومع قلة النظافه

ومع الزحام

وازدياد عد التلاميذ ف الفصول؟

وهل مصل الانفلونزا الواقى هو فعلا محفز للخلايا السرطانيه ومسبب للكبد؟

وهل فعلا مايقال بان هذا المصل قد يقتل من ياخذه بعد اقل من عام؟

ام ان الاشاعات قد شطحت؟

هل من الممكن ان يخرج علينا ايا من الوزراء الكبار..مثل:

وزير الصحه او التعليم او الداخليه ببيان صادق نطمئن به او يخبرنا بما يجب ان نستعد به؟

كفايه قلق بجد

انا مدرسه وبشوف الموت بعينى الف مره كل يوم

من الخوف

ومن الاشاعات

والقلق

ولو ظهرت حاله ف حصتى هبقى مسئوله وهتحول لتحقيق وهضيع

لانى وقعت على اقرار بذلك

وخايفه حد من اولاد اخواتى يتعدى وسط هلمة المدارس دى

او اختى اللى لسه صغيره ومناعتها ضعيفه جدا..والذى يقال ان الوباء سيصيب ذوى المناعه الضعيفه والامراض المزمنه وخاصة الكبار فى السن والاطفال

الامر الاكيد ف هذا الموضوع ان سوهاج بها حالات اصابه متعدده

الكثير منها ظهر منذ شهر ف المستشفى العام

والباقى ظهر ف بداية العام الدراسى ف المراغه ولم تسجل حالات ظهور ف مدارس سوهاج نفسها حتى اليوم

والله اعلم فما خفى كان اعظم

وربنا يرحمنا

من الوباء

ومن الانفلونزا

ومن الامبالاه

ومن فوبيا الخوف من كل حاجه..

وقبل كل ده

من الاشاعات

ومن كدب الحكومه..

قبل ما انسى

الوباء ده بيهدد مصر بس وده كلام منظمة الصحه العالميه اللى قالت ان الوباء هتكون كارثته فى مصر

لتفاعل الفيرس مع فيرس انفلونزا الطيور التى لم تنجح مصر ف التخلص منه تماما ليخرج علينا الفيرسين بفيرس جديد

لا قدرة لنا على مقاومته او علاجه

كل ده فيكى يا مصر

اقول ايه بس

لا حول ولا قوة الا بالله

اذا غضب الله على قوم سلط عليهم الامراض والاوبئه فاللهم ارحمنا واغفر لنا

اين انتم يا مصريين؟

2009-09-29T23:54:00.002+02:00

تصورت للحظه ان الشعب المصرى رغم انه يحيا دور تنابلة السلطان بجداره..تصورت انه قادر على الخروج عن النص..وانه قادر على كسر حواجز الصمت والمناداه بحقوق دولة تهدر آدميتها كل يوم امام اعيننا بلا ان يحرك اى فرد ساكنا.. الجميع هنا مشغولون بخوفهم من ذلك الوباء الذى يدق الابواب وتناسوا تماما ذلك الوباء الاسرائيلى المستشرى فى ارض فلسطين.. تعدت اسرائيل بالامس على المسجد الاقصى اذاعت كل نشراتنا الاخباريه الخبر بحرص شديد لما اسمع صوت اى مصرى يندد بالاحتلال الكل اصبح صامتا لم استطع الصمت مثلهم ولم اعرف ما العمل فجئت هنا كى تشاركونى صرختى الصامتة رغما عنى ولكى ندعم صديقى العزيز حازم الذى اشعر بمعاناته اليوم وهذ هو البوست الذى نشره فى مدونته اتمنى ان تستصرخوا معى وحاربوا صمتنا

اليوم وبكل همجية , وبعيداً عن الأخلاق والانسانية , وبكل حقارة وجميع الاوصاف الغير أدبية تخرج علينا قطعان المستوطنين , تخرج علينا افواه الخنازير , يخرج علينا مصاصي الدماء , ليدنسوا المسجد الأقصى الاسير ليدنسوا أولى القبلتين , وثالث الحرمين ومسرى نبينا محمد صلى الله عليه وسلم , ليدخلوا الى منبرة ويطلقوا النار على المصلين وقد أصابوا عدد منهم. لا أعرف ماذا اكتب وماذا اتحدث فالكلمات هنا مبعثرة فوالله ان دموعي لتسقط , وأن الألم يعتصرني فأين أنتم يا عرب لقد أسمعت لو ناديت حيا ً .. ولكن لا حياة لمن تنادي ولو ناراً نفخت بها أضاءت .. ولكن أنت تنفخ في رماد أين انتم يا مسلمون أين انتم يا خير أمة أخرجت للناس الم تستيقظون من غفلتكم ألم تنتهون من شرب كاسات الخمر الا شبعتم من دماء فلسطين أشربوا من دمائنا حتى ترضون ولكن لا تتركوا مسرى نبيكم يدوسه القردة والخنازير افيقوا يا عرب .. افيقوا يا مسلمين .. هبوا لنجدة اخوتكم .. هبو لنجدة اقصاكم الحزين .. هبو لصد اولئك الصهاينة الملاعين . اللهم عليك بهم يا أبناء كتائب شهداء الاقصى يا كتائب عز الدين القسام يا ابناء الشقاقي وأبو على مصطفى يا كل ابناء فلسطين يامن لم تخيبوا للأقصى نداء يا أبناء الياسر وابو جهاد يامن قلبتم العالم في عملياتكم الفدائية منذ القدم وحتى اليوم يأ أخوة الكرمي والعمارين و عبيات اقطعوا اياديهم ... ومزقوا منهم الاجساد وقسما بربك لن يطول عقابهم ولسوف تعلن تل أبيب حداد اللهم ارزقنا شهادة في انتفاضة الاقصى الرابعة اللهم يسر لنا سبل الجهاد اللهم عليك باليهود فانهم طغوا اللهم أرنا بهم يوما اسودا اخوتي وأحبتي زوار مدونة حازم أعلم لو كنتم معنا ما ادخرتم جهداً الا وبذلتموه ولكن جهادكم هو من على مكتبكم وبحروفكم ومدوناتكم فهي سلاح فتاك وتأكدوا أن رسالتكم ستصل لكل بيت فأخلصوا النية لله عز وجل وقوموا بتدوين كلمات ولو بسيطة ولنجعل هذا الاسبوع هو حملة لنصرة المسجد الأقصى أو قوموا بنسخ هذا الموضوع وألصقوه في مدوناتكم , لأن رسالتنا واحده فلنوحد الكلمة ولنوحد مجهودنا(http://hazemgaza.blogspot.com/ ولست أبالي حين أقتل مسلما ** علي اي جنب كان في الله مصرعيفلست بمبد للعدو تخشعا ** ولاجزعا اني الى الله مرجعي

يعيش الوزير الهمام...بوست من صديقتى منونه

2009-09-28T21:43:00.004+02:00

هذا البوست قد خصصته لمقال كتبته صديقتى العزيزه منونه

اتمنى ان تصلكم كلماتها المتألمه بنفس الشعور الذى وصلتنى به

السلام عليكم ورحمة الله وبركاته(رئيس الوزرا جاي)والله ما عارفة ابدا كلامي منين

حكاية طويييييييييييييلة، بدات وانتهت بالنفاق والظلم والزور

رئيس الوزراء وبعض من السادة الوزراء شرفو عندناقبل ما ييجو هكتفي بس بذكر بعض اللي حصل في الحي علشان لو فتحت من هنا للصبح وربنا مش هخلص

المحافظ نبيل العزبي كان كل شوية بينطلنا، ياااااااااااااااااااااه رصف ايه ونضافة ايه

صناديق الزبالة القديمة اتشالت واتحطت صناديق من نضافتها كان متهيأ للناس الغلابة انها ممكن تاكل

فيهاعربيات حاوطت الجزء الكبير اللي نضفوه وجهزوه واللي بيضم شارعنا على انها عربيات نضافة مطورة، لكن كان نوع من انواع الزور علشان يدارو العشوائيات وبيوت الناس الغلبانة

كان ييجي المحافظ من 12 في نص الليل ل 3 الفجر يشرف ع اللي عملوه العمال طول اليوم، مصدقتش اللي بيتقال عنه غير لما سمعته بيهين احد العالملين بابشع الالفاظ تحت بيتنا، الفاظ لا تتخيل انها ممكن تطلع من محافظ كانت الناس تيجي تنشر الغسيل، تلاقي واحد واقفلها "ادخلي يا ست مفيش تنشير دلوقت"واللي منشر "شيل الغسيل ده من هنا"يااااااااااااااه وتسمع العجب"الستارة دي شكلها مش حلو شيلوها"والله العظيم انا لولا عشت في الموقف نفسه مكنتش صدقت اللي بيحصل ده لدرجة ان في ناس مش قاعدين في بيتهم وسايبين دولاب قديم في البلكونة كانو عاوزين يطلعو بسلم مطافي بيتهم وهم مش قاعدين علشان يشيلوهيييييييه والعمارات بيضوها، وعواميد النور، حتى الشجر، يكفي اني اقولكو انهم اختارو بيت واحد معين وقالوله جهز نفسك علشان لو رئيس الوزرا طلب يدخل بيت هنجيبه عندك، بيت جميل طبعا مختاروش كدة وخلاص، علشان يبقى كله تماموحاجات كتيييييييييييييييييييييييييييييييييييييييييييييييييييييييير والله مهما اقول مش هوصف المنظر دلوقت والحالة دلوقت اني لسة صاحية من النوم، على صوت زغاريد وعربيات ياما واغاني وطنية م اللي يحبها قلبك ياااااااااهوبطل من فوق بقى لقيت احمد نظيف البدر المنتظر ومعاه حاتم الجبلي ويسري الجمل ومسئولين كتيرده حتى واحد كان تملي تحت بيتنا واقول مين ده وشفته فين اتاريه عميد كليتناوست نازلة تلف وتقول يلا يلا بصو من الشبابيك وزغردو، والله هذا ما حصل والارض بقى مفروشة سجاجيدوخلاص الزيارة انتهت، عشر دقايق ومشي اطمن ع الناس الغلابة ومشي، كله تمام بصيت لقيت الناس انتهزت الفرصة وجريت تجيب عيش م المخبز اللي كان فيه ولقيتهم طالعين بالعيش مش عيش ماللي انا عارفاه لا حاجة كدا في حجم البتاو عارفينه؟ وشكله تقول كدة بيتزا او فطيرة وربناولقيت بقى المفاجاةالعمال البساط بتوع المخبز، انا اعرفهم افقر ناس في الحي، كانو دايما ييجو بالجلبيات الاغنيا منهم، والبساط كانو بيلبسو لبس ياعيني مبهدل بيخبزو ويعجنو بيه ابص الاقيهم خارجين بيونيفورم ابيض ولابسين جوانتيات بقى وطواقي بيضا وطالعين يضحكوخلاص مشى الضيف الغالي، وشالو السجاجيد، ومشيت العربيات اللي بتترص من اسبوع علشان تكتم نفس الناس الغلابةحتى صناديق الزباله هياخدوها

وخلاص هننشر الغشيل براحتناوالاولاد هيطلعو يلعبو في الشارع، بعد ماكانو هيضربوهم وهو موجود لما حبو يطلعو يتنططو قدامه، علشان شكلهم ميسرش، شكلهم ناس غلابةكله تمام يا باشا، كله تمام يا باشا متقولش ايه اديتنا مصر قول هندي ايه لمصريااااااااااااااااااااااااااه انا مخنوقة بجد ومش لاقية كلام اقوله والله والعظيم يمكن مخرجتش الموضوع زي ماحصل، لكن ملقتش غير هنا افضفض فيه شوية ودلوقت هرجع اناااااااااااااااااااااااااااااااااااام تاني بقى علشان متخنقش اكتر من كدةوالله العظيم الناس عندنا مش لاقية تاكل صدق اللي قال لو نهر النيل صلصة ميكفيش كوستك يابلدحسبنا الله ونعم الوكيل

وطبعا ياجماعه مننساش

احنا اكيد

اكيد

ومؤكد

وحتمن

ولازمن

اننا فييييييييييييييين؟

اكيد ف مصر

يوم ف سوهاج فى صور..

2009-09-24T19:36:00.011+02:00

دى صورة كورنيش سوهاج بعد الساعه 3..ودى صورتها مع اهلى والله ههههههههههه

البالونات اكتر مظاهر الاعياد وضوحا

حيث ينتشر بكثره بائعى البلونات صغار السن على الكورنيش وفى الشوارع..

هذه هى احدى المجموعات التى كانت تحتفل بالعيد فى صورة غناء على الاغانى الشعبيه ..على الكورنيش ايضا

الحصان ايضا من مظاهر العيد عندنا..وطبعا يكون ايجاره مرتفعا يعنى اللفه بعشره جنيه ..وطبعا الحمد لله انى مش بركب احصنه

ههههههههه

اللمه ف العيد ليها طعم تانى ولان الكورنيش هو اكثر الاماكن انخفاضا ف الاسعار فكل عائله تتجمع للسهره هناك على ضفاف النيل..طبعا عيلتنا منهم

هههههههه

دى زحمة العيد عندنا..

دى جزيره وسط البحر العبور لها بالمعديه..وهى جزيره جميله لم يتنسنى لى الذهاب لها هذا العيد...وهذ منظرها من المرسى متألقه ليلا..

زحام المعديه التى تقل الركاب الى احدى الجزيرتين الموجودتين فى وسط النيل فى سوهاج كان سببا فى عدم ذهابنا الى هناك ..ليس خوفا من انفلونزا الخنازير ههههه وانما خوفا ان يتوه احد الاحفاد(اولاد اشقائى)البالغ عددهم 16

البوست ده اهداء منى

لفتاه من الصعيد لان كان طلبها اقول العيد شكله ازاى ف بلدى

فقلت اجيبه بالصور

واهداء لايزولد لانها بتقضى اول عيد ليها بره سوهاج

اتمنى اكون عرفت اصور

دى صور بكاميرتى الخاصه

واخر صور دى عن النيل ف سوهاج

يارب بلدى تعجبكم

كل سنه وانتو طيبين

العيد عيدنا وهنعيد..هعييييييييييد

2009-09-19T21:20:00.003+02:00

طبعا العيد هذا العام من اجمل الاعياد

رغم انفلونزا الخنازير

ورغم ارتفاع اسعار المعيشه

ورغم

الكثير من الاشياء التى من شأنها تعكير صفو عيدى

انما

هذا العيد يمثل لى الكثير

جميل جدا رغم خشونته

اشتريت ثياب للعيد كالاطفال

واشتريت الكثير من الديناميت مثلهم

ووضعت ثيابى فوق الفراش ونشرت حولها الاكسسوارات التى سأرتديها

وسابقى ساهرة للصباح اختطف النظرات لثياب العيد ونظرات اخرى للساعة المعلقة فوق الحائط ارجوها ان تسرع عقاربها لاسمع آذان العيد فى أذنى

الله اكبر كبيرا

والحمد لله كثيرا

وسبحان الله بكرة واصيلا

هذا العيد

تعرفت على إناس رائعون

وفتيات عرفتهم مصادفة فأحببيهم

ومدونين تعلمت منهم الكثير

هذا العيد هو اول عيد يمر وانا اعمل

لدى وظيفه احبها

ولدى إناس احبهم

فلكل من جعلوا عيدى بهذا الروعه

لكل من منحوا عيدى فرحته

كل عام وانتم بالف خير

ويسعد ايامكم كما اسعدتمونى

الموت دليفرى

2009-09-15T12:18:00.003+02:00

ذهبت الى عملى المعتاد وابتسامه كبيره على شفتى وقبل الذهاب مررت مع امى للحصول على المعاش..صادفتنا المعضله الاولى وهى المكروباصات التى يصر السائقين على كبسها بالبشر وكأنهم فى زريبة بهايم

طبعا التاكسى فى الصباح يكلف الشىء الفلانى وسيقوم بسرقتنا عينى عينك

فالمشوار ابو تلاته جنيه سيحسبه هو بسبعه ولن تفيد شجارتنا معه اذ سيأخد مايريده ف النهايه

طبعا مرمطة المكروباصات ارحم

وانا فى الطريق تذكرت نشرات انفلونزا الخنازير اللى بتطلب من المواطنين عدم التزاحم

ولو ان الزحام الايام دى صار يمر امامى باكثر من ذى قبل

اولا المكروباص او اللى بسميه انا علب السردين..وثانيا زحام المعاشات،سيدات من كل الاصناف ريفيات وحضريات..يتزاحمن عند شباك موظف المعاشات من اجل الحصول على المعاش.وخد عندك بقا من الامراض.

وبعد ازمة المعاش ازمة السوق

السيدات هناك يتزاحمن على بائعى الخضار فى سوق البلد الضيق رغم ان الحكومه قامت بانشاء سوق كبير بجوار السوق الصغير وواسست فيه مكانا لكل بائع..ومساحته معقوله ورغم تشطيبه من فتره بعيده الا انه صار مرتعا للذباب والقاء القمامه فيه رغم اناقته

طاب كان ايه لزمته من الاول؟

ولا يعنى بيورونا انهم شطار فى التشطيب

ياحرقة الدم.

وبعد السوق فى رحلة العوده بالمكروباص من جديد

ثم الذهاب اخيرا لمدرستى

ولانها مدرسه خاصه فلقد قاموا باخذ توقيعنا للانتباه لكل طفل قد ياتينا مصاب باى عوارض انفلونزا ولو كانت انفلونزا عاديه

كما قامت ادارة المدرسه بتقليل عدد الطلاب والتلاميذ فى كل فصل تحسبا للاصابه(اكتر ماكان العدد قليل..اللهم ارحمك يا مدارس الحكومه)

طبعا الحكومه مش واخده بالها ان الزحام شىء فارص نفسه علينا وكأنه بيقولنا وهو مطلع لسانه هتتعدوا بأنفلونزا الخنازير يعنى هتتعدوا

متفكرش ليه تعمل وسائل مواصلات اكتر او حتى ترحم الموظفين شويه وتديهم اجازه لحد ما الغمه دى تنقشع خاصة ان فى مصالح حكوميه بيروح الموظفين فيها يمضوا حضور وانصراف دفعه واحده ويخلعوا.يعنى كده ولا كده ملهمش لازمه.

طاب يدوهم اجازه احسن.

والمدرسين اللى مالهمش لازمه دلوقتى ف المدارس لان مفيش دراسه لازمن وختمن ولابد يعنى يروحوا الصبح يوروا وشهم؟

والمدارس الحكومى اللى اتأجلت فيها الدراسه كمان اسبوع هو يعنى الاسبوع ده اللى هيحل المشكله ويبعد الوباء ده عن ولادنا

مايقللوا عدد الطلبه فى الفصول اللى الفصل منهم بيشيل اربعين وخمسين تلميذ بيعدوا بعض بانواع مختلفه من الامراض.

ويحطوا دكتوره عليها القيمه ف المدرسه مش تمرجيه عامله نفسها دكتوره وهى ولا عارفه الالف من كوز الدره.

اظن التلاميذ كده مش هيجيلهم انفلونزا دده هيجيلهم الموت فورى

والمعاشات

مايخلوا المعاش يوصل لاصحاب المعاشات بالبريد

انشالله يخصموا تمن الظرف وطابع البوسته من المعاش

واهو يرحموا العواجيز من المشوار ويقللوا نسبة الاصابه بالمرض لا الامراض كلها اللى ممكن تنتج من الزحام

طبعا ده كله رغى فاضى لان الحكومه عارفه شغلها

واما تأجل الدراسه اسبوع تبقا هى عارفه بتعمل ايه

واما تسيب سوق كامل فاضى والناس تتزنق ف بعض ف السوق الصغير هى عارفه بردوا بتعمل ايه.

واما تخلى عواجيز تقف ف زحمه تجيب الموت من غير انفلونزا تبقا بردك عارفه بتعمل ايه.

واما تخلى التلاميذ يقعدوا عشرات ف فصل واحد بردوا هما عارفين المصلحه فين.

وسبحان الله

له فى خلقه شئون

وربنا يتولانا برحمته

نسيت اقول ان الابتسامه الكبيره اللى كنت رايحه بيها شغلى طبعا بعد المشاوير دى كلها

بقت تكشيره أأأأأأأأأأأأأأأااااااد الدنيا

شىء ضاع من رحيق الأمس..

2009-09-08T01:38:00.007+02:00

منذ فتره وانا ادون كل الاشياء التى ضاعت مابين فجوة الماضى والحاضر

تغيرت كل الاشياء فجأة ؟ام انها تغيرت فى غفلة منى؟

وكنت قد اوشكت ان اضل مابين اشيائى التى رتبتها بيدى فى شقتنا بالامس لتفاجئنى بالاختفاء حينما استيقظت ذات يوم صباحا لابحث عنهاولم اجدها.

وجدت وابور الجاز الذى كانت امى تمد كفيها حول نيرانه لتنهل بعضا منها، وتمر بهذا الدفء على جسدى المتكوم فى حجرها ،وقد اضحى هذ الوابور بوتجازا فخما وميكرويف ماتت نيرانه لتولد بدلا منها حرارة كاذبه بلا قصص تروى على دفئها.

ولمبة غرفتى ذات الاضاءه الخفيفه(لمبه سهارى)قد وضعت بدلا منها لمبه نيون ،ولم تعد امى تزورنى لتمر بيدها على شعرى وهى تنثر بين خصلاته اساطيرها وحواديت قبل النوم.

وضاعت لمتنا حول اغانى الست(سيدة الشرق ام كلثوم)وأغانى فيروز،ليحتل صوت هيفاء ونانسى بيتنا ليفرق شملنا،فتختبىء امى فى جدران مطبخها واختبىء انا خلف كتابى.

ضاعت ادعية صلاح الجمل التى كنت ننتظرها قبل المغرب فى رمضان ليحل محلهادعاء مقتضب بصوت تامر حسنى لياتى بعده كرومبو وحمبوزو

ضاعت العروسه القماش والفانوس ابو شمعه لتاتى لنا دمى وفوانيس تغنى وقد تكون اغانى اجنبيه

ولكن

حينما ضاع وابور الجاز واتى بدلا منه البوتجاز وبينما احتفى دفء لهيب الوابور،وحل محله دفء الميكرويف الكاذب،لم تختفى امى حفظها الله ولم تختفى حتى الآن قصصها.

وحينما اختفت لمبة غرفتى لتاخذ اللمبه النيون مكانها رايت فى ذلك الضوء المبهر قدرة اكتر على استبيان تفاصيل غرفتى

اختفت اغانى ام كلثوم ولمة سماع اغانيها فلم اضيع صوتها من اذنى،

وصرت احتفظ لها عندى بأغان شتى واستبقيت معها لمتنا القديمه

حتى ادعية صلاح الجمل

صرت احتفظ بها فى ذاكرتى جيدا

ومعها دميتى القماشيه القديمه وفانوسى ذو الشمعه القديم

حينما تتغير الاشياء من حولنا

لانتغير

طالما ان جمال الاشياء مازال باقيا اثره فى قلوبنا

انا اتغير فقط حينما اكون معك

وحينما لا تكون معى

يظل الكون صفحة صماء لا يتغير فيها اى شىء

للسعاده وجوه اخرى

2009-08-31T14:58:00.004+02:00

تقنية السعاده لم يستطع الانسان حتى الان تقنين السعاده ولم يستطع ابتكار ادوية للسعاده ،كما لم يتمكن من صناعة اى جهاز يمكنه اكتشاف مكان تواجد السعداء او بث السعاده فى نفوس المكتئبين .

تقنية السعاده فى مدونتى هى شىء ملك خالص لى ابتكرته لذاتى كى اتمكن من مواجهة ما قد يحاول تشويه سعادتى او سعادة من حولى اخترعت لنفسى اختراع كشف الضحك

يعنى بالعربى اختراع (هتضحك يعنى هتضحك عشان انا عايزه اضحك)

ونظرا انه لايمكن للضحك زيارتى الا اذا زار من حولى اولا_تمام كده زى الميه اللى متعديش على عطشان_فشىء محتم ان يضحك من حولى اولا. قد يحتاج الامر الى بعض الزغزغه او استفزاز ضحكاتهم بالنكات او اللجوء الى التنويم المغناطيسى

فأحاول استحضار ذكرياتهم المضحكه هذا ما اتبعه مع ذاتى اولا

ولكن ماذا دهانى؟

اواجه هذه الايام حربا شعواء الخصمين فيها واقعى وخيالى، والجنود هم الضحك والبكاء عرفت بعد نزولى لارض الواقع_ماأصبح فيما بعد ارض المعركه_ان الضحك لا يعرف الواقع.

يعرف الضحك الخيال فقط ولهذا التحم الاثنان فى صراع دامى والح السؤال كيف نضحك فى زمننا هذا؟ وكيف يمكن ان اواجه الواقع بالضحك الذى هو جزء من الخيال؟ .. طموحى الذى لم يصمد امام واقعنا القوى يكاد يحتضرمتأثرا بما اوقعه فيه الامر الواقع من ضرر كنت اخبر امى دوما باننى ساصبح مضيفة طيران لالف العالم كله ،فاذهب الى روما فالقى بعملة معدنيه فى نافورة فونتانا دى تيرفى بعد ان اوشوشها بامنيتى السريه، واتوه فى روعة فينسيا المدينه العائمه ،وفى جمال كل جندول يشق مياهها ،واعيش ليالى الاوبرا فيها ،فكم احب الاوبرا واعمال الموسيقار الايطالى جاكومو بوتشينى

ومن ثم اطير الى فرنسا فارى برج ايفل وقوس النصر واجول بين اروع اللوحات لاشبع فضولى للفن فى متحف اللوفر واختبر فى جولاتى تلك أى فن اصادفه فأسمع موسيقى أسبانيه بخبطات كعب احذيتهم الشهيره واعيش فى رومانسية الاغانى الايطاليه وانصت لالحان تركيه لكننى فجأه افقت لاجدنى مازلت هنا وصار حلمى محتجز فى غرفة فى بيت من بيوت الصعيد جدرانه لا تحتمل الحلم

صار اقصى احلامى ان يمنحنى اهلى اذنا بالسفر كل عام لقضاء ايام فى مدينة ساحليه تحت اشراف ورقابة تامه واحترم رأيهم.

انا حلمى بالسفر ضاع وحلمى بالرسم سجن فوق لوحات صماء

صار مخزون ذاكرتى من الاحلام مقتصرا على بضعة جولات فى بلاد قليله. بلاد لم تتخطى حدود مصر تبعد عن بلدتى فقط بضعة كيلومترات ومازلت اضحك رغم السؤال:ماذا لدى من طموح فى بلد كبلدتى؟ رسامه؟

بلدتى لا تعترف بالرسم عملا

كاتبه؟

لا مكان للكتاب ها هنا

معلمة رسم؟

نعم اجبرنى الواقع على ذلك

ولكى افعل ما اريد اردت تغيير الواقع اولا، فحلمت يوما بان اكون عضوة مجلس شعب وتخيلت نفسى فى ذلك المنصب .ترىماذا سأفعل؟سابنى كلية للفنون الجميله هنا وافتتح مقرا للموهوبين فى بلدتى

ساحاول رفع المعاش لمستحقى المعاش واطالب برغيف خبز آدمى واطالب الحكومه برسم الضحكه على الوجوه بطيب خاطر وليس قصرا ساعفى من ينقل اى مصاب فى حادثه الى المستشفى من المسائله القانونيه وما يلقاه من مصائب اذا تطوع لنقل مصاب لا يعرفه بدلا من العواقب التى يخشاها المواطنين مما يدفعهم لترك الناس تموت امامهم كى لا يتورطوا مع الحكومه

واه لو تمكنت من ايجاد اى شقه ولو غرفتين لكل شاب فلا يكون الزواج اكبر همه

وياحبذا لو وجدت لهم وظيفه

اترانى اريد ان اكون عضوة مجلس شعب ام رئيسة الدوله لتحقيق ذلك؟

ههههههههههه

اظن اننى لابد ان املك المصباح السحرى لتحقيق كل هذا وانا لا املكه ولا املك شيئا الا قلبى ولا يكفى لهذا الزمن ولست علاء الدين صاحب المصباح ولا بيتر بان نصير الفقراء

ولكننى ساضحك وساحاول ان اجعل الاخرين يضحكون حتى اكون حققت ولو شيئا واحدا مما كنت اطمح له وقد تكون ضحكتى طريقا لما تمنيت يوما حدوثه

انا انتظر معجزة تحدث فتغير مجرى حياتى

تفائل استاذى عمرو

ولتضحكى مجددا يا ايزولد

وعودى للضحك ثانية يا انجى

واطلى برونقك علينا يا هبه

يا سكان بيتنا الجميل مازالت الدنيا جميله بكم

اللهم انى صايمه ومحروق دمى

2009-08-27T01:08:00.005+02:00

ارحمنا برحمتك يارب

صايمه اخر حاجه

وعجبى

اليوم انا فى اشد حالات الغضب،قد حاولت كبت غضبى فى الايام الاربعة السابقه انما غضبى كان يزداد سعيرا كل لحظه والاسباب كما يأتى

اولا(صلاة التراويح ماركة 2009)

هى من طقوس رمضان عندى ولا يكون له مذاقا بدونها،كنت معتاده على الصلاه فى مسجد معين حيث صوت الشيخ فيه رخيم والهدوء يعم المكان وتشعر وكأن الملائكة يصطفون حولك..لكن وما اقسى تلك الكلمه فلقد قررت امى ان تنتظم فى صلاة التراويح هذا العام ولانها لا تصلى الا على كرسى فقد تركت الصلاه فى مسجدى المفضل للصلاه فى مسجد اوسع لتتمكن امى من وضع كرسى للصلاه ولا تضايق المصلين به كما ان مسجدى المفضل لا توجد به اى مقاعد

المسجد الذى اصلى به:

الصلاه فى هذا المسجد شىء من اللهو(استغفر الله العظيم)

1-الامام يقرأبصوت منخفض وشبه مفهوم

2-صلاة العشاء هناك لا تزيد على دقيقتين،

3-لا يوجد وقت للخشوع فى السجود وذكر اى دعاء فقط قد يمكنك ان تقول سبحان ربى الاعلى وقد لا تتمكن من قولها كاملة

4-سيدات يأتين ومعهن اطفالهن فيبكى احدهما ويصرخ أخر فيشتت انتباه المصليات،او تمر الفتيات من امامنا ونحن نصلى وكانهن لا يروننا

5-رغى متواصل فى الدقائق التى تفصل بين الصلوات ..وسيدات يستمر رغيهن لبعد التكبير للصلاه

6-ساوو الصفوف،مساواة لم اعرفها من قبل حتى ان كل صف يصلى فى اتجاه ،صف يصلى للامام واخر يتجه لليمين قليلا واخر لليسار واذا اعترضت ينالك من لسانهم مالا تحبه.

والكلمه المفضله لديهم:

صلى من سكات

والادهى من ذلك ان تاتى فتيات للصلاه ببودى وجينز كراش او بنتاكول ،حاجه روعه

وما يثير غضبى ان نصلى العشاء ونبدأفى صلاة التراويح فتفاجئنا اعداد غفيره من الفتيات تاتى لتصلى معنا وكأنهن تذكروا الصلاه للتو،فاين كانوا قبل التراويح،وطبعا يتركوا صلاة التراويح ليصلوا العشاء وطبعا لانهن متاخرات فانهن يأتين ويتزاحمن ليجدوا مكان لهم مما يشتت انتباهنا تماما عن الصلاه

اشياء واشياء قد اثارت سخطى ولا يمكننى القول الا (انا اكيد ف مصر)

ثانيا(مصايب اخر زمن)

كنت اسير مع جارتى المختمره فى طريقنا الى المسجد وانا ارتدى عباءة فضفاضه ولا اى شيئا يزين وجهى الا خطا من الكحل قد لاتلمحه فى عيناى لافاجىء بسيل من المعاكسات من شباب وشيبه بلا حياء ولا مراعاة لسجادة الصلاه التى نحملها ولا لخمار صديقتى

الادهى انه فى يوم اخر اقترب منا طفلان على دراجتهما ولانهما فى عمر ابناء اشقائنا او اصغر لم نخف من اقترابهما منا وعلى حين غره مد احدهما ذراعه ليرتطم بكتف صديقتى فى محاولة فاشلة منه للمس معالم جسدها

الجمت الدهشه لسانى ولم تدرى صديقتى ماذا تفعل اتصرخ عليه؟،اتشتمه وتشتم من رباه؟،ام تسير وكأن شىء لم يكن؟

وحتى تفكر كان قد اختفى مع صديقه لكنه ظهر بعدها بدقائق ليكرر ما فشل فيه ..لم افق الا على يدى ترتفع بالسجاده لتهوى بها على رأسه وانا اصرخ ..حيوان

ولو اننى اظلم الحيوانات ان شبهته بها

وقلت لنفسى مؤكد انه ليس طفلا

او انا لست من هذا الكوكب او(انا اكيد ف مصر)

ثالثا(امشى جمب الحيط)

لان المشى بجوار الحائط لن يفضى بك الى الضرب او احتمال الاهانه.

فى عودتى من الصلاه كل يوم ارى تلك السياره(البوكس)وبعض العساكر متحلقين هنا وهناك ويقفون بهيبه احتراما للباشا ذو الرتبه العاليه

ويابخت مين كان النقيب خاله،هذه اللجنه مخصصه لضرب المصريين على قفاهم،بالطبع الرجال منهم .

الضابط يقف ليسحب رخص هذا وذاك وبطاقاتهم

وياويله ويا سواد ليله اللى مش معاه بطاقه

يتعكش ويترن كام قفا تمام لحد ما يبانله صاحب

طبعا شباب الديفيل كما يطلقون على انفسهم وهم لمن لا يعرفه شباب هوايتهم تاجير السيارات من معارض السيارات التى انتشرت مؤخرا بكثره فى بلدتنا التى كانت بسيطه وبعد تاجير السياره ب300 او 400 جنيه ف الليله فاول ما يفعلونه هو رفع صوت الكاسيت فيها على موسيقى الديفيلز او الشياطين اعوذ بالله

هؤلاء(بتوع مامى وتاتى واونكل ومعرفش ايه)مسنودين طبعا الشحط فيهم لا يتجاوز عمره ال18 ولا يملك رخصه ويمر فى اللجنه من دول بقلب جامد وهوب يتعكش وهوب تانى يرن على اونكل فلان او يتصل بعلان الذى يكلم ضابط اللجنه ويطلق سراحه من غير ظرفة قفا واحد توحد ربنا

اما عامة الشعب اللى بيستهبلوا

ازاى يخرجوا للصلاه من غير بطاقه

مش بعيد شويه كمان تبقا الصلاه ذاتها ببطاقه..زى التموين والعيش

(بس ده لانى ف مصر)

رابعا( زميلاتى ف العمل)

مثال النميمه

تجلس الواحده منهم وفى يدها مصحف (الاعمى يشوفه)فتقرأسطر وترفع رأسها اسكتى يا فلانه شفتى مين ف الصلاه امبارح؟

_وترد الثانيه مين؟

_فلانه زميلتنا

_والله

_اه يختى وتصدقى قال هتتخطب

_يا شيخه بعد ما عملت كل حاجه فى حد رضى يخطبها؟

_اه يختى وواد مريش كمان

وطبعا بعد وصلة نميمه من الآخر تنهى احداهما الحوار بقولها ..يالا واحنا مالنا اللهم اننا صايمين ودع الخلق للخالق اول مره كنت اسمعهما وانا فاتحة فمى كسمكة مصعوقه

ثم اعتدت ان اجلس فى زاوية بعيده حتى لا يطالنى لسانيهما ولا ذنوبهما

واخيرا(نكت الفيس بوك

واحد كاتب فى الاستيتس بتاعته اغنيه وعاطفيه ايضا

فيعلق احدهما عليه بأن الاغانى حرام ف رمضان

ياسلام

اهى حرام فى رمضان وحلال فى باقى الشهر؟..وتساله عن ذلك فيقول :على الاقل الشهر نحاول نحترمه واما يخلص نعمل اللى على مزاجنا!!

نظريه بردوا

وسؤالى الغلس الذى يلح على رأسى منذ ان رايت احدى فتيات الليل فى مسلسل من ماسورة المسلسلات الضاربه على القنوات هذه الايام السؤال هو:هل تمارس فتيات الليل مهنتهن فى هذا الشهر ام هن ايضا يأخذن اجازة من العمل فى ذلك الشهر ليعدن بكامل لياقتهن بعد العيد؟

وهل الملاهى اليليه مازالت تقدم خدماتها فى هذا الشهر ام حولت الملهى لخيمه رمضانيه للكسب الشريف حتى نهاية الشهر؟

طبعا انا المفروض اهدا جدا وافتكر ان انا ف مصر

لان مصر بلد العجايب

بلد الاهرامات

بلد الحبايب

وعظيمه يا مصر

وكل سنه وانتو طيبين

وجدتها..وجدتها

2009-08-19T22:46:00.004+03:00

كان هذا البوست من المفروض ان يكون عن طابور التموين الذى نقف انا وامى فيه بالساعات من اجل الحصول على بعض اكياس السكر والارز والشاى مع جوال من الدقيق الذى يبدو من لونه الاصفر وكانه قد اتى من سلة المهملات للتو..انما امى تفسرشرائها للتموين بانه من العادات التى كان ابى يفعلها وهى ستستمر بفعل ما كان يفعله وكانه حى يرزقاحيانا ينتابنى الغضب من رغبة امى فى شراء التموين الذى لانستهلك معظمه ونحن فى غنى عنه اصلا لكن نزولا منى على رغبتها اذهب معها كل شهر فى رحلة من رحلات المعاناه كما اسميها وهناك رحلات اخرى اقوم بها مع امى مثل رحلة الحصول على معاش والدى _رحمه الله_ورحلة طابور العيش فى بعض الايام التى لا تخبز لنا امى فيها خبزها الشمسى الاسمر..ورحلة شهادة الكمبيوتر لاختى القاصر من اجل المحكمه..ورحلات ورحلات لاتنتهى..هى فى حقيقة الامر وصمات عار فى صحيفة مصر..فروتين الحياه الذى قام موظفيه بتطبيقه بحذافيره واضافوا له الكثير من الرخامه والاستعباط مع حبة منظره فارغه ممزوجه بالوسايط وسبهلله

لكن هذا ليس موضوعى

موضوعى جاء صدفة منذ ايام وكنت قد راجعت طبيبا منذ بعض الوقت فاشار على ببعض التحاليل التى قمت بها وقبل الانتهاء من علاجى طلب مزيدا من التحاليل فعدت ادراجى لنفس المركز الطبى الذى حللت به سابقا،هو مركز طبى محترم وهو استثمارى وليس عام..اذهلنى فى اثناء جلوسى بانتظار تحاليل الدم صوت رجل يضج بالفرحه"لقيتها لقيتها"ذكرتنى صرخته الفرحه بفرحة ارشميدس حينما اكتشف نظرية النسبيه.

كان الرجل يصرخ مكررا نفس العباره سالت السيده التى تجلس بجوار زوجته عن ماهية الامر..كان يصرخ فرحا لانه وجد ممرضه ستقوم بتركيب المحاليل لابنه المريض،تعلقت النظره المصعوقه فى عيناى،وكيف لا اصعق وهذا يحدث فى مشفى استثمارى ما بالكم بالمشافى العامه؟

اتعلمون ان عبارة وجدتها صارت عبارة شعب باكمله؟نعم انا على حق..فبعيدا عن الممرضه التى تصرخ فى طرقات المشفى وجدتها وجدتها لتركب محاليل لفتى مريض..فى وقت صار الطب مهنة لاتعرف اى رحمه..الا من رحمهم ربى من الاطباء

وجدتها صرخة يصرخ بها اب مكلوم حينما يجد جثة ابنه ويتمكن من التعرف عليه فى قطار صعيد محترق او مسرح بنى سويف ..الذى اتت النيران على ما ومن فيه.

وجدتها عبارة ينطقهاموظف بائس حينما يجذب ابنه من يده بعد احضاره من مدرسته بعد يوم عمل مضنى ليجرى خلف سيارة اجره فى شمس الظهيره لان بالسياره مقعدشاغر،فيطير الموظف فرحا لان الزحام ابقى له مكان فى سيارة متهالكه ليعود لمنزله بعد عناء.

وجدتها هى عباره تنطقها امامى سيدة عجوز حينما تجد بعد بحث يتعب بقايا صحتها روشتة بها دواء يفوق معاشها ثمنا وحينما يفاجئها الصيدلى بسعره الباهظ ترحب بالمرض ضيفا وانيسا لوحدتها بلا دواء.

وجدتها هى صرخة جنون تطلقها ام غرق طفلاها فى العباره السلام المنكوبه حينما لايبقى لها من طفلها وطفلتها الا دمية قماشيه كانت قد تشبثت بها ابنتها حتى ابتلعها البحر فى اعماقه مخلفا بقايا الدميه لام يصيبها الجنون فتصيح فرحا بايجاد دمية ابنتها الغارقه

وجدتهاهى صرخة اصرخها فى لحظة يأس من حياة رأتنى فردا غريبا فيها من اجل بعض الرومانسيات التى كنت امتلكها..وبعد صدام مرير بينى واقعى وخيالى خرجت بصرختى وجدتها الا وهى الفكرة الذهبيه بسجن الخيالات فى كوكب اخر لا يسكنه سوايا انا وخيال حبيب لا املكه

نحن شعب اهدرت حقوقه..امازلنا على الصمت مقسمين؟مازلنا نرى الظالم فلا نتحد لكسر ظلمه؟

حسنا

انا احارب فى جبهتى وحدى

ويوما ما سيجد كل مصرى غايته ليفخر بمصريته

ويوما ما سامتلك ارغفة بلا طابور..وتموينا بلا هدر كرامه،ومعاشا لامى بلا انتظار فى الشمس الاهبه،ودواء لسيده لا تملك الا ثياب باليه وسنوات عمرا افنتها على اولاد جاحدين

يوما ما سارفع للجميع بطاقتى لاقول

انا مصريه صعيديه وافخر بهويتى..

وحتى يحدث هذا...

فانا اكيد ف مصر

يبقا انت اكيد ف مصر...اكيد!!!

2009-08-17T15:55:00.012+03:00

ابن اللئيمه..اكيد معاه وسطه عشان يجيب عيش

طبعا الاعلان ده مش هيتشاف..ولا ايه وجهة نظرهم؟

لو عرفت الحل اتصل على و0000000

هتكسب الهوا

انجازات

هشتكنا وبشتكنا ياريس..دانت رئيس والنعمه كويس :)

يبقا انت اكيد فين؟انت عارف

العماره دى عماره تبع المرور..طبعا ماهى عماره اتجاه واحد

دى موضة اللبس الرجالى ف مصر..موضة صيف2009..مسطر باعلانات على الجمب

طبعا الجبس اللى كنا فاكرين نفسنا نعرفه مش نفس الجبس..طبعا ده جبس عامل نيو لوك..متنى ف الوسط وحاد عند الطرفين..طبعا ده لانه جبس مصرى

الصور دى مش للضحك دى للفزلكه بس

احنا لازم نفخر اننا مصريين

لو جعان ومش لاقى غير عيش بمسامير وديل فار او رجله او عينه طبعا هتجمع الفار عشان تكسب الفرن :وتحمد ربك وتفتكر انك ف مصر

لو جعان اوى ودخلت مطعم عشان تاكل ولقيت صرصار هنا...فار هنا...متخافش افتكر انك ف مصر الخوف يروح على طول

لازم يا ناس نفتكر انا احنا فين

فين؟

فى مصر

استنونى جايالكم باللى امر وادهى

شباكنا ستايره حديد

2009-08-13T01:43:00.006+03:00

شباكنا ستايره حديد..بالامس كانت شاديه تغنى شباكنا ستايره حرير..من نسمة شوق بيطير..الآن شباكناستايره حديدنحن سجناء .حتى الضحكه مش طالعه بنفس..على رأى امى مضطرين نضحك..اما كل شىْ الان صار يسجن بعد ان صنعنا فوق نوافذناستائر حديديه نحتجز خلفها كل احلامنا..طالما هناك بشر قادرون على انتزاع ضحكاتنا وتحويلها الى شىء يشبه السخريه فوداعا للستائر الحريريه مزقت منذايام ستائرى المخملييه،وحطمت نوافذى لاصنع منها نوافذ المونتال..كى يمكننى ان ارى من خلف زجاجها الفاميه البنى القاتم كل ما يحلو لى ..ولا يرانى احد،هذه النوافذ الزجاجيه تتيح لك ان ترى مالا يراه غيرك ولا يراك غيرك..فلن يرى سواك ظلك المتراقص على الزجاج المعتم فى مصر الاراء متعدده والموت واحد. السجون متعدده والظلم واحد الاحزان متعدده البكاء واحد القلوب متعدده الكره واحد الوجوه متعدده وقناعها واحد نحن من خلف ستائرنا الحديديه مجرد اقنعه مع الاعتذار للفنانه شاديه class id=BLOG_video-UPLOADING height=266 width=320 contentId="UPLOADING">