ودائما وابدا الحكومه لها تبرير لاى حادث يحدث ويتسبب فى ضحايا من المصريين اللى نفسهم يتخلصوا منهم..عبارة السلام كان المتسبب اهمال القبطان..وفى انفلونزا الطيور السبب اهمال المصريين فقط وليس اهمال الحكومه..ولو تفشى وباء انفلونزا الخنازير فالسبب مناخير المصريين..وحادث قطار العياط السبب فيه الجاموسه التى صدمها القطار152 القادم من الجيزه الى الفيوم حيث اصطدم بها امام مزلقان قرية العياط مما ادى الى حدوث عطل فى بلف الهواء للقطار وتوقفه على بعد كيلو مترين من القريه وعندها جاء القطار188 القادم من رمسيس الى اسيوط ليصطدم به بقوه من الخلف مما ادى الى تهشم العربيتين الاخيرتين من القطار الاول بشكل تام
كما اسفرت التحقيقات الاوليه عن رعونة سائقى القطارين اللذين تم التحفظ عليهماحيث تبين انهما تناولا المسكرات اثناء القياده
وايضا اهمال عامل التحويله الذى ترك مكانه واستقل القطار 152
والسؤال هنا
هو عامل التحويله ركب القطار وكان رايح فييييييييييييين؟
لقد لقى عامل التحويله مصرعه وماتت معه الاجابه ولا عزاء
السبب جاموسه..وخمر ومزاج ..اسباب مقنعه جدا
اجابات جاهزه..
وتم التحفظ على السائقين المتهمين بالتسبب باهمالهم ف الحادث الذى نتج عنه حوالى 30 قتيل و56 مصاب
والحكومه وجدت شماعه متينه تسند عليها اخطاء منظومتها
بعد ان انكشف غطاء اعلاناتها المزيفه التى اشبعتنا بها مرارا وتكرارا عن صيانة القطارات وعن المقطورات المستورده (ضد الخبط وضد النار)
ضد الحشره ضد الفار
ده بالتقسيط
ارواحنا هى اللى طلعت بالتقسيط
وتقسيط مريح كمان
هقول ايه بس
والله حكومه شاطره
بتعرف تطلع منها دايما زى الشعره م العجين
متقلقيش يا حكومه
احنا هنفضل عاملين مش واخدين بالنا
ده بمزاجنا
عشان احنا شعب مزاجنجى
زى بتوع القطورات
وبجد
اكيد دى مصر
هى دى مصر
حسبنا الله ونعم الوكيل
ف الجاموسه
هناك 24 تعليقًا:
اول تعليق
حجزززززززززززززززززززززز
ازيك ياقمر
اخبارك ايه
وحشتينى قوووووووووووووووى بجد
اقرء وارجع تانى
ههههههههههههه
السبب الجاموسه تصدقى الجاموسه هى اللى غلطانه حد قلها تعدى قدام القطر وكمان اللى كانوا فى حالة سكر مش غلطانين يا خواننا اللى غلطانه الزجاجه اللى كانوا بيشربوا منها ودائما وابدا الحقيقه مجهوله
تحياتى
تعرفى بجد
انا مذهوله قووووووووووووى لما شفت اللى حصل
ومش لاقيه كلام اقوله
غير حيبى الله ونعمه الوكيل بجد
ربنا منتقم جبار
للدرجه دى ارواح الناس رخيصه وسهله كد
يلا لنا الله
مودتى
ولا مسكرات ولا سواقين ولا عامل تحويلة
كله من الجاموسة
كانت ضربة حشيش من نوع معتبر
ماركة سيبها و خدها السبت الصبح
وادي النتيجة
بلد جاموس صحيح
لا حول ولا قوة الا بالله
بجد دائماً الحكومات لا تهتم في شئون مواطنيها وحينما تقع الكارثة يبدأون بوضع اللوم على المواطن الغلبان
الله يصبركم ويصبر اهالي المصابين والقتلي
حسبنا الله ونعم الوكيل
على
على الجاموسة كمان
يبقي أنت أكيد أكيد أكيد في مصر................................
مش لاقيه كلام أكتر من :
حسبنا الله ونعم الوكيل
إنا لله وإنا إليه راجعون .
ديدي
لالالالالالالالالالا ظلمتي الجاموسه
ورا كل حادثه حمااااار
وبرضه ظلمنا الحمار .... ينفع بوبي :))
ربنا يرحمنا جميعا
تحياتي
بصى يا نوره
الموضوع كبير ومش لازم نسكت عليه
احنا غلطانين اننا سكتنا على الموضوع من الاول
احنا كان المفروض اننا نقبض على الجاموسه _دى لو كانت عايشه _
و لو ماتت _الله يرحمها_ يبقى لازم نتحفظ عليها فى الثلاجات وعدم الافراج عنها او دفنها او تشريحها الا لما يبان لها صاحب
ومش بس كده
احنا كمان نقبض على صاحبها ونحقق معاه ونعرف منه ليه الجاموسه كانت ماشيه بالليل لوحدها وفى وقت متاخر زى ده
وليه لما شافت القطر مرجعتش لورا
هى اللى غلطانه
مش ممكن الراجل الغلبان اللى كان سايق القطر ده كان بيسلطن دماغه وبيعمل فنجان قهوة ولا حاجه ومشفهاش
حرام نظلمه
احنا نحبس صاحب الجاموسه ونطالبه بفديه وكفاله كمان
ما هو الموضوع مش لعبه
وبعدين فى النهايه
احنا فين ؟؟؟؟؟؟؟؟؟؟؟؟
فى مصر
نور
وحشتيني والله أنا بقالي كتير قوي قوي يعني ماشوفتكيش .. المهم انت عامله ايه ؟
وايه أخبار الأنفلونزا ف المدرسه اللي انتي شغاله فيها ؟ كله تمام
بصي يانور .. ممكن أقولك حاجه
ممكن ماتاخديش كل الأمور علي أعصابك قوي كده
دا مش معناه طبعا ان الموضوع دا مش مهم أو مايستحقش .. لأ الموضوع دا ينقط أصلا .. ما هو تقريبا الموضوع بقي عادي قوي ناس تخرج أشغالها الصبح ومايرجعوش .. قال ايه السبب جاموسه .. والنبي دول مش مكسوفين من نفسهم .. طيب مش خايفين من ربنا حتي !!!
ما علينا أنا كنت باقول ايه ..
يانور انتي قلبك نضيف وكل الحاجات الللي بتحصل ف البلد دي بتيجي عليكي ف الآخر وتتعبي .. مش هاقولك تجاهلي .. لأنه ببساطه محدش فينا هيعرف
اللي قصدي أقوله انك كل ماتحسي نفسك هاتتعبي وتتضايقي حاولي تهوني علي نفسك شويه لأن اللي مش هاممهم حياة بشر بالميات وأكتر مش هاينفعوكي بحاجه لما تتعبي .. فاهماني .. أنا بقلق عليكي والله
باقولك يانور أنا عملت مدونه .. ابقي تعالي اقعدي معايا شويه لما تلاقي نفسك فاضيه .. أوكيه
نور ...
أنا عمري ماشوفتك صحيح بس والله واحشتيني
سلام بقي
فوتك بعافيه
ياجماعة بلاش تحامل ع الجاموسة مهو كان ليها ظروفها برضه
اكيد كانت رايحة تقابل جاموسة ملقتهاش جاموسة لقيتها بقرة قامت راجعة زعلانة وواخدة في وشها بقى ومخدتش بالها م القطر وودت الناس في داهية
والله شر البلية مايضحك
حسبنا الله ونعم الوكيل
طلعنا منها على خير ياااارب
وحشتيني قوووووووي يانور يارب تكوني بخير
شكلك نسيتيني :(
ربنا يسعدك ياااارب :)
في امان الله
والله البلد دي ماشيه بقفاها .. وربنا يسترها علينا وعلي ولايانا
ضحكتيني والله
بس تعرفي؟
المرة دي الحكومة صادقة
فعلاالجاموسة هي الل ورا الحوادث في مصر
مش جاموسة واحدة الحقيقة
جواميس كتير قوي
جاموسه تسقط قطار
وكم في مصر من المضحكات
ولكنه ضحك كالبكاء
-----------------
من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست
السلام عليكم
وحشانى جدا على فكرة
الحادثة دى ليها توابع كتير القطارات مبقتش تقوم فى مواعيدها والسواقين مش بقوا يسقوا وهم ... لا دول مبيسقوش اصلا والقطر اللى معاده 6يقوم 8 والسكة الحديدة بقيت ماشية على ما تفرج
والحادثة دى من الاساس مخططة وخلينا فى حالنا وكل شئ مدروس
خالص تحياتى
إزيك يانورا عاملة إيه ياقمر ومش بتيجي ليه ماوحشتكيش ولا إيه؟؟
بس دمك والله زي العسل بس باين مقهورة يابنتي بس عااااااااادي والله العظيم انا نحست ومبقتش بستغرب خالص نحن حكومة الشعب الفاشل في الكوارث وحزب المتخلفين عقليا في العمليات الارهابية
تحياتي
ايناس
وحشاااااااااااااااانى موت بجد اوى خالص
البروفيسير
دى اول زياره هنا صح؟
بس المدونه نورت بجد
سيبك انت
كله بيطلع ف الغسيل
:)
عادل
يابنى طالما صاحب الزريبه مبسوط يبقا مال اهلنا احنا
:)
حازم
فينك ياعم
اخبارك ايه
مش بتسال عنى ليه
مش يمكن وقعت من القطر؟
تصدقى انا كده متضايقه منك جدا
يعنى ازاى قلبك يطاوعك مترديش على الكومنت بتاعى
ايه القساوة دى
وبقالك حوالى 3 بوستات عندى مفكرتيش حتى تدخلى تدى طله حتى
على العموم يا صديقتى العزيزة..شكرا
ديدى
والله النت فصل اول ماجيت اعلق عندك
ههههههههههههههه
بهرج طبعا
وحشانى جداااااااااا
وكان نفسى اشوفك لما نزلت القاهره
ولا انت مش من هناك؟
فتاه من الصعيد
وحشانى موت
مقصره جدا معاكى انا عارفه
بس سامحينى
ظروف شغلى بقت زفت
ادعيلى
إرسال تعليق