الأربعاء، 18 نوفمبر 2009

فرحة الأولى من نوعها

اول مره احس الاحساس ده..فرحه كبيره اوى اوى وشعور مش ممكن اوصفه لحد..اول مره احس انى بحب مصر اوى رغم كل عيوبها ورغم كل اللى فيها من اخطاء..وانا برسم العلم على وشوش الاطفال الصغيرين ولما كل ولاد ابتدائى واعدادى نزلوا جرى عشان ارسملهم هما كمان وكل واحد منهم بيصرخ دوم دوم دو م دوم مصر..واما المدرسين يمسكوا طبلة طابور الصباح ويلفوا الحوش كله وهما بيصرخوا بعلو حسهم مصر..واما اطفال فصولى يجروا عليا ويقولولى يا ميس ارسميلنا علم مصر عشان هنفوز النهارده ..لازم لازم وقتها اقول بعلو حسى انا كمان بحببببببببببببببببببببك يا مصر..بحبك اوى..بنتظلم فيكى بس مش منك..بنتجرح فيكى ولا حد يجرحك..نموت عشانك وتفضلى دايما عاليه وغاليه
وبحبك يابو تريكه وبحبك يا متعب ..بحبك يا حضرى وبحبك يا عمرو زكى..بحبك يا شيكابالاوبحبك يا احمد حسن ..بحبك يا زيدان وياوائل جمعه..بحبك يا شادى ويا محمد بركات وبحبك يا حمص وبحبك يا كابتن شحاته..بحب الاهلى وبحب الزمالك..وبحب اشوفك يا مصر دايما علمك مرفوع..ويارب حلم التمانين مليون مصرى يتحقق عشان مانتهزمش قدام شوية همج غلطت لما كتبت ف البوست اللى قبل اللى فات اننا غلطنا لما اهناهم..
انا بعتذر بجد..اللى زى دول مالهمش الا كده.
النهارده اعتدوا بالضرب على بعثة صباح الخير يا مصر ف مطار السودان وكسروا دراع واحد منهم لمجرد انه لابس تى شيرت منتخب مصر..واى مصرى بيضربوه ومعسكرين ف المطار هناك..م الاخر الناس دى عايزه ضرب......
وانسوا خالص التاريخ اللى بيننا ماخلاص هما نسيوه..
مصر رغم كل شىء انا بنتك
وبعتذرلك لو يوم كرهتك
بحبك
اه والله العظيم بحبك

هناك 26 تعليقًا:

Heba Gamal Emara يقول...

للأسف يا نورة
على الرغم من الكلام اللى انتى قلتيه ده
هو كلام جميل وكل حاجه بس
منهم لله بقى
هنعمل ايه
وخسرنا الماتش يا نورة
ولا عزاء للرياضيين
وفى النهايه برضه الواحد لازم يبقى عنده روح رياضيه
وده ماتش
يعنى لازم يبقى في فائز و خاسر
وربنا معانا كلنا

قلم رصاص يقول...


السلام عليكم

طبعا لازم احييي حضرتك على مشاعرك الوطنية اللي اكيد بتبقى طبيعية وطالعه من القلب من غير واسطة ووبعيد عن اي اهواء واجواء ..

لكن بكل اسف محصلش نصيب في الماتش .. وربنا يعوضنا ف حاجة تانية ان شاء الله

صحيح كان نفسنا اوي نصعد ..بس انا فرحت اكتر لما الماتش عدى على خير بدون اي خسائر تانية محدش كان يكون متوقعها

وصحيح جمهور الجزائر عمل كل حاجة في التجاوزات والصفاقة وقلة العقل والهمجية .. بس في الاول والاخر دي عصبية زايدة ومش مفروض تكون سبب لاننا ندوس على كل الروابط اللي بتربطنا بيهم

ربنا يهدي الجميع

ملحوظة مهمة استاذه نورا .. واضح جدا ان تنسيق الخطوط في مدونتك كبير جدا وزيادة عن المعقول .. لدرجة ان البوست اللي فات مستحيل قرائته ..فيبدو ان فيه مشكلة فنية في البلوج .. ارجو التنبه ليها

واي مساعدة احنا تحت امر حضرتك

دمتي في امان الله

حـــلـــم كـــان يقول...

كان نفسى بقيت الفرحه تكمل

بس مفيش نصيب

عمرو يقول...

نورة
كلنا بنحب البلد دي, إحنا بس بنكره النظام, والتسيب والفساد اللي منتشر فيها
تحياتي
:)

ponpona يقول...

زي عمرو كده بالظبط ...

:))

ponpona يقول...

ههههههههه
ضحكت عليكي وحطيطلك كومنت نونو صغنطوووووط


:))

ponpona يقول...

:)

ponpona يقول...

الكومنت اللي فات أخوهم الطغبطط خالص
اتشعبط فيهم قولت أما أجيبه هو كمان

:))

adel يقول...

اعتقد انك كده فهمتي قصدي من ردي عليكي

انا فخور ببلدي جدا رغم الخسارة

و بحبها ترابها اللي مغرقني و كل همومي اللي بسببها بحبها

Unknown يقول...

مين قال مصر اتغلبت !!
بالعكس مصر فازت بقلوب كل العرب

ما تحكوا انه مصر خسرت
مصر كسبانه على طول بمعنويات ابنائها
ربي يوفقكم على طوووول

---
بخصوص موضوع الستايل , معلش هلأ قرأت تعليقك
وبخصوص المراسلة , ايميلي موجود بمدونتي
بس ابعتيلي مرحبا وانا بعدها بتواصل معك
اووووك يا عيني
بستناكي

جزائريه وأفتخر يقول...

بسم الله الرحمان الرحيم
واذا جائكم فاسقا بنبأ فتبينو
اختى الفاظله احنا مسلمين وخليك راقيه في كلامك الجزائريين ناس متحظرة جدا ولا يعبر عنهم من اخطء كمان نظن في المصريين هذا كذالك فارجو ان يتمثل هذا الرقي فيكم اما عن الاهنات والظرب فلا تلمون الا انفسكم كنا ظيوف عندكم ماذا فعلتم بنا ؟؟ مين يجاوب صح ؟؟طبعا لا يوجد

noon kiko يقول...

سورى يا جماعه هرد عليكم نفر نفر بس ارد على الاخت الجزائريه دى الاول

noon kiko يقول...

سورى يا جماعه هرد عليكم نفر نفر بس ارد على الاخت الجزائريه دى الاول

noon kiko يقول...

سورى يا جماعه هرد عليكم نفر نفر بس ارد على الاخت الجزائريه دى الاول

noon kiko يقول...

نعم نعم
اولا سيادتك ارجعى لكام بوست كده انا كنت واقفه جمبكم وبقول الله وكده عيب وان لازم نكون راقيين سواء شعبنا ولا شعبكم
ياترى يا جزائريه انتى النهارده عندك تليفزيون
شفتى اللى اهلك عملوه ف الاسر المصريه ف الجزائر؟
بذمتك يا شيخه انتى شايفه اننا مهما كنا عملنا فيكو عمرنا رفعنا عليكو سلاح؟
والله يا اختى لو كنا غلطانين هتلاقينى اول واحده اقول ده لان مدونتى كانت بتطلع اخطاء مصر...بس لا كده كفايه انا شعبى اتهان ولا معنكيش خبر..مشفتيش راحوا يشجعواف السودان بايه ده شعبك كان شايل جنازير وسواطير والفيديو عندى
شفتى سيادتك كنا بنصقفلكم بعد فوزكم ف الماتش وانتو هناك استغليتو ضعفنا وطتردتو الشباب والستات وكسرتوا الاتوبيسات
روحى يا اختى اتفرجى وتعالى بعد كده كلمينى

noon kiko يقول...

هبه
انا مش ندمانه اننا خسرنا
دى ارواح ناس كانت هتروح لو فوزنا
الحمد لله ع الهزيمه
لما كده وبيموتنونا اومال لو فزنا كانوا عملوا فينا ايه؟

noon kiko يقول...

قلم رصاص
انا بس هسالك سؤال..
انت لسه عند رايك بعد كل اللى حصل؟

noon kiko يقول...

حلم كان
الحمد لله اننا خسرنا
والا زماننا بندفن اهالينا دلوقتى

noon kiko يقول...

استاذ عمرو
تخيل طلعت بلدنا مش متسيبه اوى كده..وطلع ف بلاد اكثر تسيب وانحلال منها

noon kiko يقول...

بونبونه
ياترى انت من مشجعى ولا معارضى الجزائر؟

noon kiko يقول...

عادل
انا واخويا على ابن عمى
وانا وابن عمى على الغريب
ده اللى عرفته ف المحنه دى
ولا يمكن اللى حصل يتنسى بسهوله

noon kiko يقول...

حازم
بيقولوا علينا يهود
وبيحرقوا علمنا ويدوسوه بعربياتهم
بذمتك ده ايه؟
كل ده لمصر اللى خيرها على الكل
والله ماهتعدى وهناخد حقنا منهم ولاد الايه دول

noon kiko يقول...

جزائريه
احنا شعب فاهم اوى معنى الرقى
طول الوقت بنحترمكم وواقفين جمبكم من ايام ماكنتو شعب محتل
ورفعنا راسكم وعليناكم
واعتبرنا اننا وانتو واحد
ولو كنا شعب همجى زى مانتى عايزه تفهمينى كنا عرفناكم يعنى ايه مصريين وانتو جوه بلدنا بعد مباراة 14 نوفمبر بس لا لاننا متحضرين معملناش كده
انتو حرقتوا علمنا ودستوا عليه بالعربيات وحبستوا المصريين ف بلدكم ومحرمتوا على البقالين يبيعولهم حتى اكل
جوعتوهم وخوفتوهم وطفشتوهم من بيوتهم
ورجعتوا المشجعين المصريين من السودان جرحى
وكل ده وتقولى رقى
اسم الله ع الرقى بتاعكم

Unknown يقول...

نونو
خلص لا تحرقي بدمك
احكي الحمد لله على كل شي , والظالم اله ربنا
روقي واهدي عشان حازم :$

قلم رصاص يقول...

بصراحة انا متغاظ بعد كل اللي حصل منهم بس هنعمل ايه يعني

يعني نطالب بقى باعلان الحرب علىالجزائر؟

احنا كلنا نسينا اسرائيل دلوقتي وانها المستفيد الوحيد من اللي بيحصل ده

مفروض منديهاش فرصه للاستغلال

عموما اتمنى الازمن دي تعدي على خير

في امان الله

محمد على يقول...

من غير متقلبى ع الوش التانى .. أولا أنا أول مره أتابع مدونتك وكمان أول مره أعرف إن فيه مدونات سوهاجيه .. عجبتنى مدونتك قوى ..

والموضوع بتاع الكوره المعروض قديم ومش هينفع أعلق عليه .. لكن حبيت أحييك
وبعد م أظبط مدونتى اسمحى لى ان أضعها ضمن مدوناتى المفضله عشان انتى بلدياتى ..

شكرا جزيلا لك ..