الثلاثاء، 8 ديسمبر، 2009

البلد فيها كام 500 مليون؟


كنت قد عقدت النيه بالابتعاد عن اى اخبار مزعجه..انما كالعاده انا مصدر لكل ماهو مزعج..لذا تأتى الاخبار الى مكانى بالجاذبيه..كنت ابحث فى جوجل عن قصه بعنوان فيرونيكا قررت الموت وبدلا من ان تاتينى فيرونيكا اتتنى دون معرفة كيفية حدوث ذلك لينك موقع احدى الجرائد..لم ارى ضررا فى تصفح الاخبار وليتنى مافعلت هناك خبر يقول انه سيتم هدم مستشفى خيرى تمت البدء فى انشاؤه فى عام 1999 وانتهوا من تشطيبه عام 2006
المستشفى تكلف 500مليون جنيه
500مليون
جنيه
وسبب هدمه لان حى مدينة نصر قرر فجأه هدمه...؟
فكرونى بالمحافظ السابق لمدينتنا سوهاج..كان كل كام يوم نلاقيه بيبنى نافوره ويادوب اسبوع نلاقيه هدها عشان يعمل مكانها جنينه وبعدين كمان اسبوع ويهدها ويرجع يبنى نافوره..كل ده بفلوس اللى خلفونا..ولا يعنى جابوه من بيت ابوهم..!!!!
المهم ان المستشفى دى كانت هتخدم 2000مريض شهريا من محدودى الدخل..طيب عروستى ؟على رأى ماما ساميه شرابى..ممكن حد يوضحلى؟
ايه يعنى مستشفى بالرقم القياسى ده تتهد ف يوم؟
الجمعيه الشرعيه الطبيه اتفاجأت بالقرار ده وتركت الامر للقضاء العادل اوى جدا عشان يقول كلمته..واكدت ان المستشفى تم بناؤها وفقا لكل اشتراطات البناء..يعنى مفيهاش عيب
هنقول مثلا يمكن عشان الارض مثلا كان عليها خلاف واكتشفوا انها مش ملك المستشفى طيب ما يسوو الخلاف ويسيبوا المستشفى..هنقول لقينا اصحاب المستشفى حراميه..خلاص سيبوا المستشفى وخدوا الملاك..واهو خساره الفلوس وتخدموا بيها الناس..حولوها لمستشفى حكومى..اتصرفوا..ولا مش بتشوفوا مرمطة الغلابه فى مستشفيات اليوم الواحد والتأمين الصحى؟والله انا هموت واعرف هى الحكومه دى مش عايشه ف مصر؟
يعنى يمكن هما عايشين ف ساحل العاج وبيتابعوا شئون الناس من هناك.!!.طيب ممكن لو سمحتوا تخلوا عندكم دم وتيجوا تشوفوا الناس اللى اتبهدلت ف المستشفيات وف الشوارع..شوفوا اللى بيسرق كلاويهم وكبدهم وطحالهم لو لقى عندهم طحال اصلا وهما اساسا داخلين يشيلوا اللوز..
ياربى الرحمه
هو يعنى البلد فيها كام500 مليون بيطولها الغلابه
اللهم لااعتراض على حكمك..

هناك 42 تعليقًا:

♥ •. مناكيش .•♥ يقول...

طيب ماهو التعليق فى الكلام .. تقولى ازاى اقولك منييييييين يعنى الناس دى تسترزق لو معملتش كده النهارده يطلع قرار بانشاء مش عارف ايه ودراسة جدوى ايه وكعى ياحكومه وحط فى جيبك يابرعى تانى يوم شيل يابنى اللى قبلها مجابتش همها عايز اغير عربية المدام اصلى توتى وميمى ولاد الباشا داخلين جامعات خاصه يرضيك يعنى الباشا يصرف منين يعنى الحكومه دى خلفته وهتنساه لا طبعا مايصحش اصل حكومتك دى مالها سايب اصلا .. ولا المستشفى دى كمان طيب ماكده هانقطع عالبهوات الكبار اللى عاملين مستشفيات ملاكى يسترزقوا منين يعنى واهو فوتلى وافوتلك ويجعله عامر

دودي فلسطين يقول...

اهلين انا بحب السوهاجين
بالنسبه لموضوعك اختى فعلا خساره هيك موضوع يعدي
هي النافوره شو راح تسوى
وبصراحه وبكل صراحه انا بخاف كتير من مصر يعني سرقة اعضاء يا لهووووووووووي
تخيلي افيق وما الاقي عضو من اعضائي
اي بعمل هوشه

مدونتك جميله والى الامام
اختك دودي من جوات فلسطين

واحده من الناس يقول...

مناكيش
هههههههههههههههههههههه
ايه الجمال والحلاوه دى
فعلا انا ازاى مفكرتش ف كده
غباء ده ولا ايه
هههههههههههههوربنا يجعل بيت المؤمنين عمار

واحده من الناس يقول...

دودى
نورتينى ياقمر والله
والمدونه زادها شرف تعليقك
على فكره
مصر جميله اوى بس فيها عيوب لازم نحاول نصلحها
مش بخوفكم من مصر
لان اى مكان فيه الوحش وفيه الكويس
وزى ماعندنا سرقة اعضاء واثار وسرقة فلوس وبنوك
احنا عندنا لسه اعضاء تانى ولسه فى اثار تانى وفلوس تانى متسرقتش
ههههههههههههههه
متخافيش
وانتى جايه مصر اعملى وثيقة تامين شامله عشان تضمنى نفسك وعدى نفسك وانتى راجعه لتنقصى صباع
ههههههههههههههههههههه
طبعا ده كله تهريج
مصر حلوه والله
واهلها طيبين
وهيخافوا على ضيوفها اكتر من روحهم

بهلول الشرق يقول...

وإيه يعني كام 500 مليون جنيه دحنا في زمن البهللة .. والله يخلي الشعب الغلبان المطحون .. ومن كتر الطحن بقى مش راح يجيب رغيف عيش.

ماما يقول...

اول مره اسمع الخبر ده
ياريت كلنا ننشره فى مدوناتنا
ونطالب الحكومه بعدم الهدم
مش كفايه نسيب الموضوع للقضاء
لازم نحول الموضوع الى رأى عام...
واكيد هنلاقى ناس هنا بيعرفوا يوصولوا كلمنا الى الجرائد والى المسؤلين

نحاول
وربنا يوفقنا
وبعد اذنك هاخد موضوعك كوبىبست
وادخل اكلم اكتر عدد ممكن من المدونين
واتمنى التوفيق
لان فعلا انا هاتجنن ازاى الفلوس دى فى ايد من لا يعرف يصونها
وبعد ازنك رضه هاضطر ادعى عليه ان ربنا يحرقه بيها فى الدنيا قبل الاخره
داحنا بنتمرمط بيها طول الشهر وياريت بتقضى
وحسبى الله ونعم الوكيل

Mr.Hazem يقول...

يعطيكي العافية

واحده من الناس يقول...

بهلول
تصدق بالله يا راجل ان الشعب المصرى ده اللى مش لاقى على رايك يجيب العيش هو اللى مطفح اللى بالك بالك بدل العيش باتون ساليه
ربنا يريحنا منهم او يريحهم منا

واحده من الناس يقول...

ماما
ياروح قلبى انا اسم مدونتى ايه؟؟؟؟؟؟؟؟
يبقا انت اكيد ف مصر
يعنى ده الطبيعى
طبعا ياريت الموضوع يتحول لراى عام ويوقفوا المهزله دى بس هل ده ممكن؟
لو قدرتى تساعدينى يبقا بجد انتى هتعملى خير للكل
انا ميهمنيش الموضوع يكون فى مدونة مين بقدر مايهمنى يكونله حل
واحنا كلنا بننشر عشان نلاقى حل للهم اللى احنا فيه مش بنشر مولاضيعنا للفرجه بس
وبحييكى بجد على اهتمامك

واحده من الناس يقول...

حازم
ميرسى ربنا يخليك
ويعطيك الصحه والعافيه

واحده من الناس يقول...

حازم
ميرسى ربنا يخليك
ويعطيك الصحه والعافيه

بحب الحكومة يقول...

الحقيقة الواحد مش ممكن ينكر دور الحكومة الجبار وقراراتها العظيمة فى راحة المواطن المصرى
واكيد القرار ده للصالح العام طبعا طبعا
وكفاية انه خلاكى تكتبى تدوينة رائعة
وبعدين احنا مش لازم نزل الحكومة كل شوية بالفلوس بتاعة الضرايب اللى يدوبك تجيب شقتين فول
وبعدين بطلوا حسد بقى
دى الحكومة يا عينى هتعمل ايه ولا ايه
المفروض احنا كمواطنين نعزرها
ونحاول ندعمها فى هدم العديد من المستشفيات والمدارس وتخريبها للطرق والمواصلات لان ده بيساعد على تنظيم الاسرة وان احنا نقل بقى
احنا بقينا 80 مليون
هيعملوا معانا ايه يعنى
احنا طماعين قوى

أميرة الاحزان يقول...

مدونتك جميله ومواضيعك كذلك ...ربنا يوفقك ...وبعدين ماتستغربيش دى بلدنا وكفايه اسم مدونتك فعلا
كده يبقى احنا فعلا في مصر
تقبلي مروري

blackshwak يقول...

السلام عليكم

الأخت نورا

تعليقا علي ( رد حضرتك علي تعليقي ) في مدونتك الأخري والذي قلتي فيه:

( طالما متعرفنيش كويس يبقا متكلمنيش كده)

أحب أن أقول لحضرتك :

ياستي كلامك علي رأسي
انا فعلا مش اعرف حضرتك
وكان يشرفني إني أتعرف علي مدون من المدونين
بس واضح إن حضرتك فهمتيني خطأ

وواضح إنك كمان مش أخدتي بالك من إني قلت في أخر تعليقي :

( نصيحه أخويه مش اكتر )

وعموما لو مش متقبله النصيحه أعتقد انه لم يكن هناك من داعي لهذا الكلام الذي - وبشكل كبير - يشبه التوبيخ
وفعلا صدمني
وخصوصا وأنا مش قلت حاجه تزعل حضرتك أوي كده
لم أتحدث عن شخصية حضرتك مثلا

ومش عارف بجد ليه رد الفعل ده
وكان من الممكن حضرتك تمنعي نشر التعليق وخلاص
بدون توبيخ أو كلام قد أجده انا جارحا

عموما لقد تعودت أن أعتذر دائما مادام كلامي قد سبب لغيري أي ضيق
حتي لو رأيت أني لم أفعل شئ يستحق الإعتذار ..،، لذلك سأقول لحضرتك :

أنا اسف

وتقبلي مروري لمرة أخيره

أتمني لكي دوام التوفيق والإزدهار في الحياه

تحياتي

واحده من الناس يقول...

بحب الحكومه
طبعاغى طبعا العيب فينا زى ماكل عيوب الدنيا فينا جات يعنى على ذل الحكومه
اقولك احنا لازم نفجر نفسنا عشان نقلل العدد ولا على ايه احنا نقعد ف اى فصل حكومى ولا ندخل واحده من مستشفيات مصر واحنا هنقل لوحدنا
تصدق بالله انا بسال نفسى اوقات هو ازاى الشعب ده مع كل البلاوى دى ولسه عايش؟
لا والمصيبه عدده بيزداد
سبحان الله
كتر خير الحكومه فعلا
مانت مش بتسمع كلامى
اترشح تبع حزب وطنى
واحنا وراك هنساعدك
:)

واحده من الناس يقول...

اميرة الاحزان
انتى شرفتينى والله والمدونه ليها الشرف لانك زورتيها ويارب تكونى هنا على طول
:)

واحده من الناس يقول...

بلاك
انا افتكرتك انت اللى زعلان
انا كل القصه انى اخترت اغنيه مش شرط كلكم تحبوها ولقيتك بتهاجم طلبى انكم تبقوا تزورونى هنها وده كان طلب بس عشان مبقاش مقصره وانا لو اقدر اقفل مدونتى التانيه كنت عملتها بس للاسف ارتباطى بوجودجها هنا شىء لابد منه
عموما يا عم حقك عليا انا كنت متعصبه وجات فيك
انت صاحب بيت بردو وتستحمل
واهى جات فيك احسن ماتيجى ف الغريب
صافى يالبن؟

blue-wave يقول...

يا بنتى
ملكيش دعوة
الحاجات دى تسمى سبوبه:))

ليس فقيرا من يحب يقول...

يبقى انت اكييييييييييد فيييييييييين


فيييييين

فييين

مش عارفه الحقيقه

ازيك ياروح قلبى يارب تكونى بخير

معلش متاخرة اوووووى (وش مكسوف)

واحده من الناس يقول...

بلو وايف
هههههههههههههه
واتلله معاك حق
بس سبوبه على قفانا
يالا ماهى دى مصر

واحده من الناس يقول...

ليس فقيرا من يحب
انتى اخبارك ايه؟
ازى المذاكره
بجد وحشانى اوى
احنا فعلا ف مصر واى حاجه بنعترض عليها هتفضل ف مصر
واحنا اللى هنمشى
ههههه

ليس فقيرا من يحب يقول...

كل سنه وانتى طيبه يا حبيبتى

بمناسبه العام الهجرى الجديد وان شاء الله

السنه دى اجمل من اللى فاتت

احمد يقول...

في البلاد العربية توقع اي شئ من ولاشئ فالمساجد و المستشفيات تهدم وتعمر الفنادق ودور الفساد والعياذ بالله ..

اقصوصه يقول...

حسبي الله عليهم

هدم مستشفى خيري؟

الله يهد حيلهم ان شا الله!

واحده من الناس يقول...

ليس فقيرا من يحب
وانتى طيبه
ولو انها متاخره اوى
بس معلش
انشغلت ف المدونه التانيه ونسيت دى
عشان بس كنت عايزه انسى هم البلد شويه
كل سنه وانتى طيبه ياقمر
:)

واحده من الناس يقول...

احمد
والله معاك حق
ممكن يتهدم مسجد ولا حاجه تفيد البلد عشان يتبنى مكانه ديسكو تيك طالما بيجيب فلوس
زمن السفهاء
هنقول ايه
حسبى الله ونعم الوكيل
زمن وليت الامانه لغير اهلها

واحده من الناس يقول...

اقصوصه
ازيك يابت انتى
فينك مش باينه
ازى الدنيا معاكى؟
ربنا يطمننى عليكى وتكونى بخير
اتحسبنى براحتك
كلنا معاكى
:)

واحده من الناس يقول...

اقصوصه
ازيك يابت انتى
فينك مش باينه
ازى الدنيا معاكى؟
ربنا يطمننى عليكى وتكونى بخير
اتحسبنى براحتك
كلنا معاكى
:)

ست البيت يقول...

صباح الجمال والناس الحلوة اللي من احلى حتة في مصر
اسكندرانية طبعا ومن محرم بك كمان اي خدمة
اول دخول وإن شاء الله مش الآخر
حلوة قوي دي
بيفكرني بمحافظ اسكندرية
كل يوم يكسر الشارع عشان يسفلته بعد أسبوع وبعدين اسبوع كمان يكسر الشارع عشان الصرف الصحي
بعدها يسفلت
يقوموا مكسريين للتليفونات
وشوية للصرف الصحي تاني ما هو الولاني باظ بسبب التليفونات
فلوسنا الله يهديكم
نهايته على رأيك يبقى أحنا في مصر
ربنا يستر علينا

تايلاند يقول...

كلام ساخر ومقال رائع ^^

محمد يوسف المليفي يقول...

المدونة رائعة شكرا لك ..

best medical websites يقول...

المدونة رائعة شكرا لك ..

how to do it easy يقول...

المدونة رائعة شكرا لك ..

منتديات الرنان يقول...

شكرا جزيلا علي مدونتك الرائعه

sites like service يقول...

شكراااااا لك .....مقالتك اكثر من رائعه

منتديات مكتوب السعوديه يقول...

قلمك رائع .. شكرا لك ..واعدك بالزيارة

قناه مكتوب السعوديه يقول...

شكرا على المدونه الجميلة و بالتوفيق دائما

الشيخ وجدى غنيم يقول...

شكرا جزيلا علي مدونتك الرائعه

مواقع الاطفال يقول...

مدونتك رائعه.....شكرااا لك

Uouo Uo يقول...


thx

كشف تسربات المياة
غسيل خزانات
شركة نظافة عامة

Lamiss Ibrahim يقول...

موضوع رائع

http://www.prokr.com/furniture-moving-company-riyadh/

roba gad يقول...

ممتاز



http://prokr.com/furniture-moving-company-jeddah/
http://shoala.net/